Sai Dharam Tej: సాయితేజ్ సీక్రెట్స్ చెప్పేసిన హీరోయిన్!

September 27, 2021 / 09:06 PM ISTByFilmy Focus

Join Us

Sai Dharam Tej: సాయితేజ్ సీక్రెట్స్ చెప్పేసిన హీరోయిన్!

టాలెంటెడ్ డైరెక్టర్ దేవ కట్టా డైరెక్షన్ లో సాయిధరమ్ తేజ్ హీరోగా తెరకెక్కిన రిపబ్లిక్ సినిమా అక్టోబర్ 1వ తేదీన థియేటర్లలో రిలీజ్ కానున్న సంగతి తెలిసిందే. రెండు వారాల క్రితం రోడ్డు ప్రమాదానికి గురైన సాయిధరమ్ తేజ్ ప్రస్తుతం ఆస్పత్రిలో చికిత్స తీసుకుంటున్నారు. రిపబ్లిక్ సినిమాలో మైరా అనే పాత్రలో ఐశ్వర్య రాజేష్ నటిస్తున్నారు. ఎమోషనల్ పొలిటికల్ డ్రామాగా తెరకెక్కిన ఈ సినిమా ప్రమోషన్స్ లో భాగంగా ఐశ్వర్య రాజేష్ ఆసక్తికర విషయాలను వెల్లడించారు.

రిపబ్లిక్ సినిమా కోసం సాయితేజ్ చాలా ఎఫర్ట్ పెట్టారని సాయితేజ్ జెమ్ అని ఐశ్వర్య రాజేష్ చెప్పుకొచ్చారు. ప్రజల తరపున మాట్లాడే వ్యక్తి పాత్రలో సాయితేజ్ నటించాడని ఐశ్వర్య తెలిపారు. షూటింగ్ కు తేజ్ ఉదయం పదిన్నరకు వచ్చి బుక్ లో రాసుకున్న డైలాగ్స్ ను ప్రాక్టీస్ చేసేవారని ఐశ్వర్య కామెంట్లు చేశారు. సినిమాలో పది నిమిషాల పాటు ఉండే కోర్టు సీన్ ను తేజ్ సింగిల్ టేక్ లో పూర్తి చేశారని ఐశ్వర్య వెల్లడించారు.

రిపబ్లిక్ సాయితేజ్ కు కెరీర్ బెస్ట్ మూవీగా నిలుస్తుందని ఐశ్వర్య చెప్పుకొచ్చారు. సాయితేజ్ హార్డ్ వర్క్ ఈ సినిమా సక్సెస్ సీక్రెట్ అని ఐశ్వర్య అన్నారు. సినిమాలో తాను ఎన్నారై అమ్మాయిగా కనిపిస్తానని సినిమాలో లవ్ ప్రపోజ్ సీన్ కూడా ఉండదని లవ్ ట్రాక్ చాలా మెచ్యూర్డ్ గా ఉంటుందని ఐశ్వర్య తెలిపారు. ప్రస్తుతం తమిళ సినిమా ఆఫర్లు చేతిలో ఎక్కువ సంఖ్యలో ఉన్నాయని ఐశ్వర్య చెప్పుకొచ్చారు. రిపబ్లిక్ సినిమాతో ఐశ్వర్య రాజేష్ సక్సెస్ ను సొంతం చేసుకుంటారేమో చూడాల్సి ఉంది.