వామ్మో.. రామ్ చరణ్ ఇంత మంచి వ్యక్తా..?

మెగాస్టార్ చిరంజీవి వారసుడిగా సినిమాల్లోకి ఎంట్రీ ఇచ్చి విజయాలను సొంతం చేసుకోవడంతో పాటు సినిమాసినిమాకు మార్కెట్ ను పెంచుకుంటున్నారు రామ్ చరణ్. ప్రస్తుతం రాజమౌళి డైరెక్షన్ లో ఆర్ఆర్ఆర్ సినిమాలో నటిస్తున్న రామ్ చరణ్ ఈ మూవీ తరువాత శంకర్ డైరెక్షన్ లో ఒక సినిమాకు కమిటయ్యారు. ఆర్ఆర్ఆర్ సినిమాలో చరణ్ అల్లూరి సీతారామరాజు పాత్రలో నటిస్తుండగా ఇప్పటికే రామరాజు పాత్రకు సంబంధించిన టీజర్ విడుదలై ప్రేక్షకులను ఆకట్టుకుంది. ప్రముఖ కమెడియన్లలో ఒకరైన సత్య రామ్ చరణ్ గురించి ఒక ఇంటర్వ్యూలో మాట్లాడుతూ ఆసక్తికర విషయాలను వెల్లడించారు.

శ్రీకారం మూవీ ప్రమోషన్స్ లో భాగంగా ఇంటర్వ్యూల్లో మాట్లాడిన సత్య రామ్ చరణ్ ఇతరులకు సహాయం చేసినా ఆ సహాయం గురించి చెప్పుకోరని అన్నారు. రామ్ చరణ్ లాంటి వ్యక్తులు చాలా తక్కువమంది ఉంటారని సత్య వెల్లడించారు. రామ్ చరణ్ చాలామందికి ఆర్థికంగా సహాయం చేశారని సత్య అన్నారు. తాను ఆర్టిస్ట్ గా స్ట్రగుల్ అవుతున్న సమయంలో తనకు కూడా చరణ్ డబ్బులు ఇచ్చి సహాయం చేశారని అన్నారు. అయితే చాలామందికి సహాయం చేసినా ఆ సహాయాల గురించి ప్రచారం చేసుకోవడానికి రామ్ చరణ్ అస్సలు ఇష్టపడడని కమెడియన్ గెటప్ శ్రీనుకు కూడా చరణ్ సహాయం చేశాడని సత్య తెలిపారు.

గెటప్ శ్రీను రామ్ చరణ్ కు ఏకంగా గుడి కట్టేస్తాడంటూ సత్య ఆసక్తికర వ్యాఖ్యలు చేశారు. చరణ్ చాలా సింపుల్ గా ఉంటారని.. రంగస్థలం మూవీలో చరణ్ తో కలిసి నటించగా ఆ సమయంలో చరణ్ తమతో ఈజీగా కలిసిపోయేవారని.. ఎప్పుడూ కూడా చరణ్ తమ దగ్గర స్టార్ హోదాను చూపించలేదని సత్య అన్నారు. రామ్ చరణ్ మంచితనం గురించి తెలిసి నెటిజన్లు ఆశ్చర్యపోతున్నారు.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!