టాలీవుడ్ సినిమాలకు బాగా కలిసొచ్చే సీజన్ ఏది అంటే… ఒకటి సంక్రాంతి, రెండు దసరా సీజన్ అని చెప్పాలి. ఈ సంక్రాంతికి ఏ రేంజ్ పోటీ నెలకొందో ప్రత్యేకంగా చెప్పనక్కర్లేదు. ‘సరిలేరు నీకెవ్వరు’ తో మహేష్… ‘అల వైకుంఠపురములో’ చిత్రంతో బన్నీ… సై అంటే సై అంటూ తలబడ్డారు. అయితే ఫ్యామిలీ సినిమా కాబట్టి అందులోనూ మ్యూజిక్ కూడా పెద్ద హిట్ అయ్యింది కాబట్టి ‘అల వైకుంఠపురములో’ సినిమా సంక్రాంతి విన్నర్ గా నిలిచింది. అలా అని ‘సరిలేరు నీకెవ్వరు’ కూడా తగ్గలేదు.. మాస్ సినిమా కాబట్టి, ఈ సినిమా కూడా సత్తా చాటింది. ఏదేమైనా సంక్రాంతికి ఏకంగా ఈ రెండు చిత్రాలు కలిపి 480 కోట్ల వరకూ గ్రాస్ ను కలెక్ట్ చేసాయి.
ఇక ఇదే జోరుతో దసరా సీజన్ పై కూడా కొన్ని సినిమాలు కన్నేశాయి. ఎలాగైనా దసరాకి కూడా 7 నుండీ 8 రోజుల వరకూ స్కూళ్లకు, కాలేజీలకు సెలవులు ఉంటాయి కాబట్టి … సినిమాలకు బాగా క్యాష్ చేసుకునే అవకాశం పుష్కలంగా ఉంటుంది. గతేడాది మెగాస్టార్ ‘సైరా’ చిత్రం ఒక్కటే విడుదలైంది. ఈసారి మాత్రం ‘ప్రభాస్ 20’ విడుదలయ్యే అవకాశాలు ఎక్కువగా ఉన్నాయని సమాచారం. రాధాకృష్ణ కుమార్ డైరెక్షన్లో తెరకెక్కుతోన్న ఈ చిత్రం జూలై లేదా ఆగష్టుకి షూటింగ్ పూర్తి చేసుకునే అవకాశాలు ఉన్నాయి. చిత్రం యూనిట్ సభ్యులు కూడా దసరా పైనే కన్నేసినట్టు తెలుస్తుంది. ఇక బన్నీ – సుకుమార్ సినిమా కూడా ఈ సీజన్ లో విడుదలయ్యే అవకాశం ఉందని మొదట్లో వార్తలు వచ్చాయి. కానీ సుకుమార్ అంత ఫాస్ట్ గా సినిమా తీసే అవకాశం లేదు. చాలా టైం తీసుకుంటాడు కాబట్టి కచ్చితంగా చెప్పలేము. ఇక విజయ్ దేవరకొండ – పూరి కాంబినేషన్లో తెరకెక్కుతోన్న పాన్ ఇండియా చిత్రం కూడా దసరానే టార్గెట్ చేసినట్టు సమాచారం. అంతేకాదు నిఖిల్ ‘కార్తికేయ2’ సినిమా కూడా ఇదే సీజన్ లో విడుదలయ్యే అవకాశం ఉందట. ఒకవేళ మెగాస్టార్ – కొరటాల సినిమా ఆలస్యమైనా.. అది కూడా దసరాకే విడుదలయ్యే అవకాశం ఉందనేది ఇన్సైడ్ టాక్. మరి చివరికి ఏం జరుగుతుందో చూద్దాం..!
Most Recommended Video
పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!
