వెంకీ టు సాయి తేజ్.. అందరూ అలా కష్టపడినవాళ్ళే..!

సక్సెస్ అనేది లేకపోతే ఎక్కడైనా నిలదొక్కుకోవడం చాలా కష్టం.ముఖ్యంగా సమాజంలో గౌరవం ఉండదు… మనసుకి శాంతి ఉండదు. అలా అని సక్సెస్ ను అనుకున్న వెంటనే సాధించలేం.!అది కూడా ఊరికే రాదు. అది పొందుకోవడానికి హార్డ్ వర్క్ తో పాటు టైం కూడా కలిసిరావాలి. ఓ సక్సెస్ సాధించే వరకూ చాలా అవమానాలు ఎదురైనా ఆశ్చర్య పడనక్కరలేదు. ఇదిలా ఉండగా.. సినిమాల్లో చాలా వరకూ హీరోలను బాగా డబ్బున్న వాళ్లకులానే చూపిస్తూ ఉంటారు. లేకపోతే మిడిల్ క్లాస్ అబ్బాయిలలా కనిపిస్తూ ఉంటారు. అంతేకాని చేతిలో రూపాయి లేని వారిలా కనిపించడానికి తొందరగా ఇష్టపడరు. అయితే కొంతమంది హీరోలు మాత్రం సక్సెస్ లేక.. చేతిలో రూపాయి లేక ఎన్నో అవమానాలు ఎదుర్కొన్న పాత్రల్లో కనిపించారు. అలాంటి పాత్రల్లో నటించడం అంత ఈజీ ఏమీ కాదు. కానీ ఆ హీరోలు ఆ పాత్రను చాలా ఓన్ చేసుకుని వాటికి జీవం పోశారు. ఆ హీరోలు ఎవరో.. ఆ సినిమాలు ఏంటో ఓ లుక్కేద్దాం రండి :

1) పవన్ కళ్యాణ్ – ‘తమ్ముడు’

ఈ చిత్రంలో హీరో( పవన్ కళ్యాణ్) తన తండ్రితో చివాట్లు తింటూ ఎన్నో అవమానాలు ఎదుర్కొంటూ ఉంటాడు. ఫైనల్ గా కిక్ బాక్సింగ్ ఛాంపియన్ గా నిలిచి అవమానించిన వాళ్ళతోనే చప్పట్లు కొట్టించుకుంటాడు.

2) రవికృష్ణ – ‘7/జి బృందావన కాలనీ’

ఈ చిత్రంలో హీరో (రవి కృష్ణ) ఉద్యోగం లేక తన తండ్రి చేతిలో తన్నులు తింటుంటాడు. తాను ఉద్యోగం సంపాదించి సక్సెస్ అయ్యే వరకూ ఇలాంటి అవమానాలే ఎదుర్కొంటూ ఉంటాడు.

3) వెంకటేష్ – ‘ఆడవారి మాటలకు అర్ధాలే వేరులే’

ఈ మూవీలో హీరో(వెంకటేష్) ఉద్యోగం సాధించలేక చాలా ఇబ్బందులు పడుతుంటాడు. అతని తండ్రి గ్యాప్ లేకుండా ఇతన్ని తిడుతుంటాడు. ఈ పాత్రలో వెంకీ జీవించాడనే చెప్పాలి.

4) నితిన్ – ‘సంబరం’

ఈ చిత్రంలో నితిన్ ఖాళీగా తిరిగే కుర్రాడిగా కనిపిస్తూ ఉంటాడు. ఎన్నో అవమానాలను కూడా ఎదుర్కొంటాడు. క్లైమాక్స్ కి ఉద్యోగం సంపాదించి వాటికి ఫుల్ స్టాప్ పెడతాడు.

5) సుమంత్ – ‘సత్యం’

ఈ చిత్రంలో హీరో ట్యాలెంట్ కలిగుండి అలాగే మంచి పనులు చేస్తూనే ఎన్నో అవమానాలు ఫేస్ చేస్తుంటాడు.

6) విజయ్ దేవరకొండ – ‘పెళ్ళి చూపులు’

ఈ చిత్రంలో హీరో పాత్రకు ప్రతీ మిడిల్ క్లాస్ కుర్రాడు కనెక్ట్ అవుతాడు అనడంలో సందేహం లేదు. చివరి వరకూ ఇతని తండ్రితో మాటలు పడుతూనే ఉంటాడు.

7) ధనుష్ – ‘రఘువరన్ బి.టెక్’

ఈ సినిమాలో బి.టెక్ కంప్లీట్ చేసి ఖాళీగా ఉండే కుర్రాడి పాత్రలో ధనుష్ అద్భుతంగా నటించాడు. ఉద్యోగం లేక తన తండ్రితో మాటలు పడే కుర్రాడిగా ధనుష్ కనిపిస్తాడు.

8) నాని – ‘జెర్సీ’

ఎటువంటి సంపాదన లేక తన భార్యతో మాటలు పడే భర్త పాత్రలో నాని ఈ సినిమాలో కనిపిస్తాడు. ఫైనల్ తన డ్రీమ్ ను ఫుల్ ఫిల్ చేసుకుని హీరోగా కన్నుమూస్తాడు.

9) సాయి తేజ్ – ‘చిత్రలహరి’

మెగా మేనల్లుడు సాయి తేజ్.. ఈ చిత్రంలో చాలా ఎమోషనల్ గా నటించి మంచి మార్కులు వేయించుకున్నాడు. విజయ్ అనే పేరు పెట్టుకున్నప్పటికీ విజయం సాధించలేక అవమానాలను ఫేస్ చేసే ఓ కుర్రాడిగా తేజు ఈ చిత్రంలో కనిపిస్తాడు.

10) సూర్య – ‘ఆకాశం నీ హద్దురా’

ఈ చిత్రంలో హీరో(సూర్య) ఎయిర్లైన్స్ సర్వీస్ ను ప్రారంభించి తన ఊరికి మంచి పేరు తేవాలని పరితపిస్తూ ఉంటాడు. ఇందుకోసం ఎన్నో అవమానాలు ఎదురైనా చివరికి వాటిని అధిగమిస్తాడు.