సాధారణంగా హీరోయిన్ల విషయంలో నిర్మాతలు కాస్త ఉదారంగా వ్యవహరిస్తుంటారు. అమ్మాయిగారు బిర్యానీ కావాలి అంటే పక్కనే ఉన్న పంజాగుట్ట నుండి కాక కాస్త దూరం ఉన్న పారడైజ్ నుండి తెప్పిస్తాడు నిర్మాత. అందుకే నిర్మాతల-హీరోల వద్ద తెగ హొయలుపోతుంటారు హీరోయిన్లు. కానీ.. మొట్టమొదటిసారిగా ఒక హీరోయిన్ ను చూసి భయపెడుతున్నాడు ఓ బడా నిర్మాత. బడా నిర్మాతేమిటి, హీరోయిన్ విషయంలో భయపడడం ఏమిటి అనుకొంటున్నారా?
అసలు విషయం ఏంటంటే.. పరిచయ చిత్రంతో సూపర్ హిట్ అందుకొన్న ఓ అందమైన కథానాయకి ప్రస్తుతం ఓ స్టార్ హీరో సరసన నటిస్తోంది. ముంబైకి చెందిన హీరోయిన్ కావడంతో అమ్మడికి హైద్రాబాద్ లో స్టే ఏర్పాటు చేసింది నిర్మాణ బృందం. స్టార్ హోటల్ ఒకరోజు రెంట్ మహా అయితే ఒక 5 వేల రూపాయలు ఉంటుంది. అందులోనూ ప్రొడ్యూసర్లకు మంచి కాంటాక్ట్స్ ఉంటాయి కాబట్టి మంచి డిస్కౌంట్స్ కూడా లభిస్తాయి. అలా అనుకొనే అమ్మాయిగారి బిల్ సెటిల్ చేద్దామని హోటల్ కి వెళ్ళిన నిర్మాతకి గుండె గుబేలుమందట. రూమ్ బిల్ తో సంబంధం లేకుండా కేవలం ఫుడ్ బిల్లే రోజుకి దాదాపు 10,000/- వేశాడట హోటల్ వాడు. మరీ రోజుకి పది వేలేమిటయ్యా అని హోటల్ వాడిని నిలదీస్తే.. ఆవిడ ఆర్డర్ చేసినదానికి వేసిన బిల్ ఆండీ, నాకేం సంబంధం అన్నాడట. దాంతో.. బాబోయ్ ఈ అమ్మాయ్ మరీ ఇంతలా తింటే కష్టం అంటూ సైలెంట్ గా బిల్లు కట్టేశాడట సదరు నిర్మాత.
Also, do SUBSCRIBE to our YouTube channel to get latest Tollywood updates.
