టాలీవుడ్ సినిమాలకు రిలీజ్ డేట్స్ ను సెట్ చేసుకోవడం పెద్ద టాస్క్ అయిపోయింది. ముందే రిలీజ్ డేట్ ఫిక్స్ చేసుకున్నా.. ప్రశాంతంగా ఉండడానికి లేదు. ఎందుకంటే ఎవరు ఎప్పుడు ఏ సినిమా అనౌన్సమెంట్ ఇస్తారో, ఎవరితో క్లాష్ అవ్వాల్సి వస్తుందేమోనని టెన్షన్ పడుతూ ఉండాల్సి వస్తుంది. ఇక పండగ సీజన్ల గురించి ప్రత్యేకంగా చెప్పనక్కర్లేదు. ఒకేసారి నాలుగైదు సినిమాలు పోటీ పడుతుంటాయి. మన దగ్గర పెద్ద పండగ సీజన్ అంటే సంక్రాంతి, దసరా, దీపావళి అని చెప్పుకోవాలి.
కానీ ఇప్పుడు శివరాత్రిని కూడా విడిచిపెట్టడం లేదు మన హీరోలు. ఇంకా మూడు నెలల సమయం ఉన్నప్పటికీ.. శివరాత్రి సీజన్ కు సినిమాను రిలీజ్ చేయడానికి రెడీ అవుతున్నారు. అందుకే ఫిబ్రవరి స్లాట్స్ చాలా వేగంగా బుక్ అయిపోతున్నాయి. ఇప్పటివరకు కన్ఫర్మ్ అయిన సినిమాల్లో కిరణ్ అబ్బవరం ‘వినరో భాగ్యము విష్ణు కథ’ ఒకటి ఉంది. ఫిబ్రవరి 17న ఈ సినిమా రాబోతున్నట్లు ప్రకటించారు. ధనుష్ ‘సార్’ కూడా పోస్ట్ పోన్ అయితే అదే డేట్ కి వస్తుందని అంటున్నారు.
ఇక అఖిల్ ‘ఏజెంట్’ సినిమా జనవరిని మిస్ చేస్తే శివరాత్రికి వచ్చే అవకాశం ఉంది. వీటికంటే ముందుగా ఫిబ్రవరి 10న కళ్యాణ్ రామ్ ‘అమిగోస్’ సినిమా రిలీజ్ కానుంది. ఈ సినిమాలో కళ్యాణ్ రామ్ త్రిపాత్రాభినయం చేయబోతున్నారు. ఈ సినిమాకి గనుక హిట్ టాక్ వస్తే.. సెకండ్ వీక్ లో కూడా స్ట్రాంగ్ రన్ ఉంటుంది.
అలా చూసుకుంటే పోటీ తప్పదు. సమంత ‘శాకుంతలం’ కూడా ఆ సమయానికి వచ్చే ఛాన్స్ ఉందని అంటున్నారు. దీనిపై క్లారిటీ లేదు. ఇవి కాకుండా హాలీవుడ్ సినిమా ‘యాంట్ మ్యాన్ అండ్ ది వాస్ప్ ఖ్వన్టమేనియా’ను ఫిబ్రవరి 17న రిలీజ్ చేయనున్నారు. ఇక ఆ సమయానికి ఇంకెన్ని సినిమాలు లిస్ట్ లోకి చేరతాయో చూడాలి.
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
