ఇవాళ ఉదయం ఓ ప్రముఖ ఆంగ్ల దినపత్రిక మన టాలీవుడ్ స్టార్ హీరోస్ చిరంజీవి, వెంకటేష్ లు వైజాగ్ లో ఏదో సీక్రెట్ ప్లేస్ ను పట్టారని, తరచుగా అక్కడికి వెళ్ళి చిల్ అవుతున్నారని ఓ ఆర్టికల్ ప్రచురించింది. ఇప్పుడా వార్త ఇండస్ట్రీ వర్గాల్లో చర్చనీయాంశం అయ్యింది. దాంతో జనాలందరూ ఇంతకీ వెంకటేష్, చిరంజీవిలు ఆ సీక్రెట్ స్పేస్ కి ఎందుకు వెళుతున్నారా అనే సందేహం మొదలైంది. అయితే.. ఆ సీక్రేట్ ప్లేస్ మరేదో కాదు. అది ఒక ఫిట్ నెస్ వెల్ నెస్ సెంటర్. మన స్టార్ హీరోలు సేద తీరడం కోసం అక్కడికి వెళ్తున్నారు.
సినిమా హీరోలు ఏం కష్టపడిపోతారులే అని అనుకుంటాం కానీ.. భీభత్సమైన మెంటల్ టెన్షన్ మరియు ఫిజికల్ ఎఫర్ట్స్ ఉంటాయి. అందుకే రిలాక్సేషన్ కోసం అప్పుడప్పుడూ బ్యాంకాక్ లాంటి ప్లేసెస్ కి వెళ్తుంటారు. కానీ.. ఇప్పుడు అంత దూరం వెళ్లకుండా ఇక్కడే మంచి ప్లేస్ దొరకడంతో అక్కడికే ఫిక్స్ అయిపోయారు మన స్టార్ హీరోలు. ఈమాత్రం దానికి అదేదో పెద్ద సీక్రెట్ ప్లే అన్నట్లుగా హడావుడి చేయడం అస్సలు బాగోలేదబ్బా.
