డిస్ట్రిబ్యూటర్ గా కెరీర్ మెదలుపెట్టి స్టార్ ప్రొడ్యూసర్ గా ఎదిగారు దిల్ రాజు. ఆయన నిర్మించిన మొదటి చిత్రం దిల్ విడుదలై దాదాపు పదిహేడేళ్లు అవుతుంది. ఇన్నేళ్ల కెరీర్ లో దిల్ రాజు ఒక్కటంటే ఒక్క రీమేక్ కూడా చేయలేదు. అలాంటిది 2020లో ఆయన ఏకంగా మూడు రీమేక్ లు చేస్తున్నాడు. పవన్ కళ్యాణ్ హీరోగా రీ ఎంట్రీ మూవీ హిందీ చిత్రం రీమేక్ అన్న ఆవిషయం తెలిసిందే. హిందీలో అమితాబ్, తాప్సి ప్రధాన పాత్రలలో తెరకెక్కిన పింక్ చిత్రానికి రీమేక్ గా దర్శకుడు వేణు శ్రీరామ్ తెలుగులో తెరకెక్కిస్తున్నారు.
అలాగే మరో రెండు సినిమాలు దిల్ రాజు ఈ ఏడాది చేస్తున్నారు. వాటిలో ఒకటి జాను. సమంత-శర్వానంద్ హీరోలుగా తెరకెక్కిన ఎమోషనల్ లవ్ ఎంటర్టైనర్ జాను విడుదలకు సిద్ధమైంది. ఈ మూవీ ఈనెల 7న గ్రాండ్ గా విడుదల అవుతుంది. కాగా జాను తమిళ సూపర్ హిట్ మూవీ 96కి తెలుగు రిమేక్. ఒరిజినల్ చిత్రానికి దర్శకత్వం వహించిన సి ప్రేమ కుమార్ ఈ చిత్రానికి కూడా దర్శకత్వం వహిస్తున్నారు. ఇక మూడో సినిమా తెలుగు జెర్సీ ని హిందీలో రూపొందిస్తున్నారు. నాని హీరోగా గౌతమ్ తిన్ననూరి తెరకెక్కించిన జెర్సీ తెలుగులో మంచి విజయం అందుకుంది. ఈ చిత్రాన్ని హిందీలో షాహిద్ కపూర్ రీమేక్ చేస్తున్నారు. గీతా ఆర్ట్స్ తో కలిసి దిల్ రాజు జెర్సీ హిందీ రీమేక్ తెరకెక్కిస్తున్నారు. ఈవిధంగా దిల్ రాజు ఈ ఏడాది మూడు రీమేక్ లు చేస్తున్నారు.
Most Recommended Video
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు
