Mahesh Babu: తెలుగు రైటర్స్ మహేష్ బాబు మీద ఎలాంటి కామెంట్స్ చేస్తారో చెప్పిన రాజమౌళి తండ్రి..!

తెలుగు సినిమా ఖ్యాతిని విశ్వవ్యాప్తం చేసిన దర్శకధీరుడు రాజమౌళి.. ఇటీవల హాలీవుడ్‌‌లో ప్రతిష్టాత్మకంగా భావించే గవర్నర్స్ అవార్డుల ప్రధానోత్సవ కార్యక్రమంలో పాల్గొన్నారు.. ఇప్పటికే పలు ప్రశంసలు, పురస్కారాలు పొందుకున్నజక్కన్నకు మరో అరుదైన గౌరవం దక్కింది. పాపులర్ న్యూయార్క్ ఫిల్మ్ క్రిటిక్స్ సర్కిల్ ఈ సారి బెస్ట్ డైరెక్టర్ అవార్డును రాజమౌళికి ఇవ్వనున్నట్లు ప్రకటించింది. ‘ఆర్ఆర్ఆర్’ సినిమాకుగాను ఈ అవార్డుకు ఎంపిక చేసినట్లు NYFCC తెలిపింది. ఎంతో మంది హాలీవుడ్ డైరెక్టర్లను తలదన్ని జక్కన్న ఈ ఘనత సాధించడం విశేషం.

దీంతో అందరూ ఆయణ్ణి ప్రశంసిస్తున్నారు.. రాజమౌళి ఇటీవల సూపర్ స్టార్ మహేష్ బాబుతో చేయబోయే సినిమాకి సంబంధించిన కొన్ని వివరాలు చెప్పి ప్రేక్షకాభిమానులకు కిక్ ఇచ్చారు. తనకు ఇండియానా జోన్స్ ఫ్రాంఛైజీ మూవీస్ అంటే చాలా ఇష్టమని.. ఆ టైప్ సినిమా చేయాలని ఉందని.. మహేష్ బాబుతో అలాంటి చిత్రమే చేయబోతున్నానని రివీల్ చేసి.. అంచనాలు పెంచేశారు. తండ్రి విజయేంద్ర ప్రసాద్ మంచి కథ రెడీ చేశారని.. ప్రస్తుతం దాని డెవలప్‌మెంట్ వర్క్ జరుగుతుందని చెప్పిన సంగతి తెలిసిందే..

వీలైనంత త్వరగా ప్రీ ప్రొడక్షన్ వర్క్ కంప్లీట్ చేసి.. 2023 మే లేదా జూన్‌లో సెట్స్ మీదకెళ్లాలని ప్లాన్ చేస్తున్నారు.. అప్పటికి మహేష్ – త్రివిక్రమ్ మూవీ కంప్లీట్ అయిపోతుంది.. ఇదిలా ఉంటే.. తాజాగా మహేష్ బాబు గురించి రాజమౌళి తండ్రి, ప్రముఖ రచయిత విజయేంద్ర ప్రసాద్ చేసిన ఆసక్తికరమైన వ్యాఖ్యలు నెట్టింట వైరల్‌గా మారాయి.. ‘‘మహేష్ బాబు ఇంటెన్స్ ఉన్న యాక్టర్.. అతను నటించిన యాక్షన్ సీన్స్ చూసినప్పుడు వెరీ ఇంటెన్సిటివిటీ కనిపిస్తుంది..

దాని వల్ల ఏ రచయితకైనా తన పని సులభం అవుతుంది.. చాలా మంది రైటర్స్ మహేష్ గురించి అదే మాట్లాడుకుంటుంటారు’’ అని చెప్పుకొచ్చారు. తమ అభిమాన నటుడి గురించి సీనియర్ రైటర్, దర్శకధీరుడు తండ్రి ఇంత గొప్పగా చెప్పడంతో.. మహేష్ ఫ్యాన్స్.. ‘మా మహేష్ సాలిడ్ యాక్టర్.. జక్కన్న సినిమాతో వరల్డ్ వైడ్ సెన్సేషన్ క్రియేట్ చేస్తాడు’ అంటూ కామెంట్స్ చేస్తున్నారు..

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!