ఖలేజా సినిమాను ఇష్టపడ్డ యువహీరో

మాటల మాంత్రికుడు త్రివిక్రమ్ శ్రీనివాస్, సూపర్ స్టార్ మహేష్ బాబు కలయికలో వచ్చిన రెండో సినిమా ఖలేజా. వీరి కాంబినేషన్లో వచ్చిన అతడు బ్లాక్ బస్టర్ హిట్ అవ్వడంతో, రెండో సినిమాపై భారీ అంచనాలు నెలకొన్నాయి. కానీ ఇందులో ప్రిన్స్ కామెడీ కోణాన్ని ప్రదర్శించడంతో అభిమానులు జీర్ణించుకోలేక పోయారు. ఈ చిత్రం అపజయాన్ని చవిచూసింది. అమెరికాలో మాత్రం మంచి కలక్షన్స్ రాబట్టింది. టీవీలో ప్రసారమయినప్పుడల్లా అధిక టీఆర్పీ నమోదు అవుతోంది. అటువంటి సినిమా గురించి యువ హీరో విజయ దేవరకొండ ఇప్పుడు ప్రస్తావించారు.

పెళ్లి చూపులు సినిమాతో విజయాన్ని సొంతం చేసుకున్న ఈ హీరో నటించిన  ‘ద్వారక’ ఇటీవలే విడుదలై యావరేజ్ చిత్రం గా నిలిచింది. ‘అర్జున్‌రెడ్డి’, ‘షికారు’ సినిమాలు విడుదలకు ముస్తాబు అవుతున్నాయి. ఫుల్ జోష్ లో ఉన్న విజయ్ రీసెంట్ గా  ఇచ్చిన ఓ ఇంటర్వ్యూ లో  మాట్లాడుతూ ” మహేష్ బాబు హీరో గా నటించిన ఖలేజా సినిమా ఫ్లాప్ అయినా నాకు బాగా నచ్చింది”  అని చెప్పారు.

Also, do SUBSCRIBE to our YouTube channel to get latest Tollywood updates.