బ్రేక్ ఈవెన్ కష్టమే మహేష్ గారు..!

మహేష్ బాబు 25 వ చిత్రంగా వచ్చిన ‘మహర్షి’ చిత్రం మొదటి వారం కలెక్షన్లు బయటకి వచ్చాయి. వంశీ పైడిపల్లి డైరెక్షన్లో వచ్చిన ఈ చిత్రం గతవారం మే 9 న విడుదలయ్యి డీసెంట్ టాక్ ను సొంతం చేసుకుంది. మహేష్ 25 వ చిత్రం కావడంతో కలెక్షన్లు ఇప్పటివరకూ బాగానే వచ్చాయి. ‘భరత్ అనే నేను’ అంత బ్లాక్ బస్టర్ టాక్ రానప్పటికీ ఈ చిత్రం కలెక్షన్ల విషయంలో ‘శ్రీమంతుడు’ చిత్రాన్ని మించింది. అయితే ఇది తెలుగు రాష్ట్రాల వరకే. ఓవర్సీస్ లో మాత్రం ఈ చిత్రం ఆశించిన స్థాయిలో కలెక్షన్లను రాబట్టలేదు. ఇక ‘మహర్షి’ చిత్రం 11 రోజులు పూర్తయ్యేసరికి ప్రపంచ వ్యాప్తంగా 85.58 కోట్ల షేర్ ను రాబట్టింది.

ఇక 11 రోజులకి గానూ ‘మహర్షి’ ఏరియా వైజ్ కలెక్షన్ల వివరాలు ఈ విధంగా ఉన్నాయి :

నైజాం – 24.70 కోట్లు
సీడెడ్ – 8.10 కోట్లు
వైజాగ్ – 8.00 కోట్లు
ఈస్ట్ – 6.20 కోట్లు

వెస్ట్ – 4.91 కోట్లు
కృష్ణా – 4.84 కోట్లు
గుంటూరు – 6.95 కోట్లు
నెల్లూరు – 2.33 కోట్లు
———————————————
ఏపీ + తెలంగాణా – 66.03 కోట్లు
(టోటల్)

రెస్ట్ అఫ్ ఇండియా – 9.80 కోట్లు
ఓవర్సీస్ – 9.75 కోట్లు
———————————————
వరల్డ్ వైడ్ టోటల్ – 85.58 కోట్లు
———————————————

‘మహర్షి’ చిత్రానికి ప్రపంచ వ్యాప్తంగా 95 కోట్ల వరకూ ప్రీ రిలీజ్ బిజినెస్ జరిగింది. మొదటి వారం పూర్తయ్యేసరికి వరల్డ్ వైడ్ 85.58 కోట్ల షేర్ వచ్చింది. అంటే ఈ చిత్రం బ్రేక్ ఈవెన్ కావాలంటే మరో 10 కోట్లు రాబట్టాల్సి ఉంది. ఈ చిత్రానికి వచ్చిన టాక్ తో అది సాధ్యం అవుతుందా అంటే కష్టమనే చెప్పాలి. ఎందుకంటే 2 వీకెండ్ కలెక్షన్స్ చాలా డ్రాప్ అయ్యాయి. మహేష్ 25 వ చిత్రం కాస్త డీసెంట్ టాక్ రావడం… అందులోనూ సమ్మర్ హాలిడేస్ పక్కన సినిమాలు లేకపోవడం,టికెట్ రేట్లు పెంచడం.. వీటి వలనే ఇప్పటి వరకూ పర్వాలేదని కలెక్షన్స్ వస్తున్నాయి. ఇక మహేష్ కు పిచ్చ క్రేజ్ ఉన్న ఓవర్సీస్లో ఈ చిత్రం 2 మిలియన్ కూడా రాబట్టలేకపోయింది. అక్కడ కనీకష్టంగా 1.6 మిలియన్ దాటింది. అక్కడ బయ్యర్స్ సేఫ్ అవ్వాలంటే ఈ చిత్రం 2.5 మిలియన్ రాబట్టాల్సి ఉంది. కానీ అది అసాధ్యమని ట్రేడ్ పండితులు తేల్చేసారు. కలెక్షన్స్ పరంగా ఇప్పటి వరకూ మహేష్ సూపర్ హిట్ ‘శ్రీమంతుడు’ ను దాటింది. ఇక 3 వ వారం కూడా ఇదే పెర్ఫార్మన్స్ ఇస్తే ‘భరత్ అనే నేను’ ‘అరవింద సమేత’ ను దాటే అవకాశం ఉంది. అంతే తప్ప ‘రంగస్థలం’ ‘ఖైదీ నెంబర్ 150’ చిత్రాల కలెక్షన్ల వరకూ వెళ్ళే అవకాశం లేదు.