మీ అభిమాన నటుడు ఎవరు ? అని అమ్మాయిలను అడగగానే … వెంటనే సూపర్ స్టార్ మహేష్ బాబు అని చెప్పేస్తారు. నేటి తెలుగు హీరోయిన్లు కూడా ఆయనతో నటించడానికి ఆసక్తిగా ఉంటారు. మరి మహేష్ బాబుకి నచ్చిన నటి ఎవరో తెలుసుకోవాలని చాలా మందికి ఉంటుంది. అదే ప్రశ్నను ఓ అభిమాని ట్విట్టర్లో అతన్ని అడిగారు. “మీ అభిమాన సహనటి ఎవరు” అని ట్వీటిస్తే అందుకు సమాధానంగా “త్రిష, అనుష్క” అని సూపర్ స్టార్ సమాధానం ఇచ్చారు. ఇది ఇప్పుడు మాట కాదు.
ఆరేళ్ళ క్రితం మహేష్ ఖలేజా ప్రమోషన్లో భాగంగా జరిగిన ముచ్చట. కానీ ఇప్పుడు త్రిష బాధపడుతోంది. సంతోషించాలి కానీ ఎందుకు బాధపడుతుందని అనుకుంటున్నారా ? ఈ భామ కి మహేష్ ట్వీట్ ఇప్పుడు కనిపించిందట. సూపర్ స్టార్ నోటినుంచి తన పేరు వచ్చినందుకు చాలా సంతోషంగా ఉన్నా.. ఆలస్యంగా తెలిసినందుకు తెగ బాధపడుతోంది. “నేను దీనిని ఎందుకు మిస్సయ్యాను” అని ట్విట్టర్లో రీ ట్వీట్ చేసింది. మహేష్ త్రిష కలిసి తొలిసారి అతడు సినిమాలో కనిపించారు. ఆ చిత్రం భారీ హిట్ అందుకోవడంతో మంచి జోడీగా పేరు తెచ్చుకున్నారు.
మళ్లీ సైనికుడు చిత్రంలో కలిసి నటించారు. కానీ ఆ మూవీ ఆశించినంత విజయం అందుకోలేదు. అప్పటి నుంచి వీరిద్దరి కలయికలో సినిమా రాలేదు. ప్రస్తుతం త్రిష తాను లీడ్ రోల్ పోషించిన నాయకి చిత్ర ప్రమోషన్లో బిజీగా ఉంది.
