వయసు పెరిగే కొద్దీ సినిమా ఛాన్స్‌లు పెరగడం, పెద్ద పెద్ద సినిమాలు చేయడం అంటే రెండు విషయాల్లో మాత్రమే సాధ్యమవుతాయి. ఒకటి దేశంలోని స్టార్‌ హీరోలు అందరి విషయంలో అయితే, రెండోది బాలీవుడ్‌లో హీరోయిన్ల విషయంలో. కానీ ఇదంతా గతం.. ఇప్పుడు ఓ సౌత్‌ స్టార్‌ హీరోయిన్ వరుసగా సినిమాలు సంపాదిస్తోంది. అయితే ఈమె కుర్ర హీరోయిన్ కాదు.. 40 ఏళ్ల స్టార్‌ హీరోయిన్. ఇప్పటికే ఆమె ఎవరో మీకు అర్థమైపోయుంటుంది. ఆమెనే త్రిష.
(Trisha) త్రిష కృష్ణన్‌.. ఇప్పుడు సౌత్‌ సినిమా ఇండస్ట్రీలో బిజీగా ఉన్న హీరోయిన్. కుర్ర స్టార్‌ హీరోయిన్లకు కూడా సాధ్యం కాని విధంగా వరుసగా సినిమాలకు సైన్‌ చేస్తోంది. అలా అని అవేమీ చిన్న సినిమాలు కాదు, చిన్న పాత్రలూ కాదు. స్టార్‌ హీరోల సినిమాలో కీలకమైన హీరోయిన్ పాత్రలే చేస్తోంది. త్రిషకు ఈ మ‌ధ్యే 40 ఏళ్లు నిండాయి. ఈ వయసులో హీరోయిన్ వేషాలు ప‌క్క‌న పెట్టి.. క్యారెక్ట‌ర్ రోల్స్ చేసుకుంటున్న హీరోయిన్లు ఉన్నారు. కానీ త్రిష ఇంకా భారీ సినిమాల్లో లీడ్ రోల్స్ చేస్తోంది. అంటే చరిత్రను తిరగరాస్తున్నట్లే కదా.
ఈ మ‌ధ్యే ‘పొన్నియ‌న్ సెల్వ‌న్ 2’ సినిమాలో అందం, స్క్రీన్ ప్రెజెన్స్‌తో అందరికీ మైమరిపించిన త్రిష.. ఇప్పుడు విజయ్‌తో ‘లియో’ అనే సినిమా చేస్తోంది. త్వరలో అజిత్‌తో స్క్రీన్ షేర్ చేసుకునే అవకాశం ఉందని తెలుస్తోంది. అజిత్ హీరోగా మ‌గిల్ తిరుమ‌ణి ఓ సినిమా రూపొందించ‌బోతున్నారు. లైకా ప్రొడ‌క్ష‌న్స్ ఈ సినిమాను నిర్మించ‌బోతోంది. ఈ సినిమాలో క‌థానాయిక‌గా త్రిష ఓకే అయిన‌ట్లు సమాచారం. మరోవైపు మ‌ణిర‌త్నం దర్శ‌క‌త్వంలో క‌మ‌ల్ హాస‌న్ చేయ‌నున్న కొత్త సినిమాలోనూ త్రిషను ఎంపిక చేసుకున్నారని టాక్‌.
ఇదిలా ఉండగా.. టాలీవుడ్‌లో స్టార్‌ హీరోల సినిమాల విషయంలోనూ త్రిష పేరు చర్చకు వస్తోందని సమాచారం. అన్నీ అనుకున్నట్లుగా జరిగితే త్రిష టాలీవుడ్‌ రీఎంట్రీ త్వరలోనే ఉంటుంది అంటున్నారు. ఈ వయసులో కెరీర్‌ అయిపోయింది అని అనుకుంటడగా.. ఈ ఊపు ఏంటో అర్థంకావడం లేదని ఫ్యాన్స్‌ కామెంట్స్‌ చేస్తున్నారు.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
Home