Trisha, Prabhas: ప్రభాస్ త్రిష కాంబినేషన్ లో మరో సినిమా.. కానీ?

స్టార్ హీరో ప్రభాస్  (Prabhas) కు  ప్రేక్షకుల్లో ఊహించని స్థాయిలో క్రేజ్ పెరుగుతున్న సంగతి తెలిసిందే. సలార్ (Salaar), కల్కి 2898 ఏడీ (Kalki 2898 AD) సినిమాలు సక్సెస్ సాధించడంతో థియేటర్లు కళకళలాడాయి. ప్రభాస్ త్రిష  (Trisha)  కాంబినేషన్ సైతం బ్లాక్ బస్టర్ కాంబినేషన్ అనే సంగతి తెలిసిందే. ఈ కాంబినేషన్ లో తెరకెక్కిన వర్షం (Varsham) , బుజ్జిగాడు (Bujjigadu) సినిమాలు సక్సెస్ సాధించగా పౌర్ణమి (Pournami) సినిమా కమర్షియల్ హిట్ కాకపోయినా ప్రభాస్ అభిమానులకు మాత్రం నచ్చింది. అయితే దాదాపుగా 16 సంవత్సరాల తర్వాత ఈ కాంబినేషన్ రిపీట్ అవుతోందని తెలుస్తోంది.

కోలీవుడ్ ఇండస్ట్రీలో త్రిషకు ఇప్పటికీ క్రేజ్ తగ్గలేదు. స్టార్ హీరోలతో త్రిష నటిస్తున్న సినిమాలు అక్కడ సక్సెస్ సాధించి ఆమె కెరీర్ కు ప్లస్ అయ్యాయి. 40 సంవత్సరాల వయస్సులో యంగ్ లుక్ లోనే కనిపిస్తూ త్రిష వరుస ఆఫర్లను అందుకుంటున్నారు. చిరంజీవి (Chiranjeevi) త్రిష కాంబోలో ప్రస్తుతం విశ్వంభర (Vishwambhara) మూవీ తెరకెక్కుతోంది. విశ్వంభర సినిమాలో త్రిష డ్యూయల్ రోల్ లో నటిస్తారని వార్తలు వినిపిస్తుండగా ప్రభాస్ త్రిష కాంబినేషన్ లో మరో సినిమా అంటూ వస్తున్న వార్తల విషయంలో భిన్నాభిప్రాయాలు వ్యక్తమవుతున్నాయి.

సందీప్ రెడ్డి వంగా స్పిరిట్ (Spirit) సినిమాలో ప్రభాస్ కు జోడీగా త్రిష పేరును పరిశీలిస్తున్నారని వైరల్ అవుతున్న వార్తల సారాంశం. అయితే సందీప్ లేదా ప్రభాస్ నుంచి ఇందుకు సంబంధించి స్పష్టత రావాల్సి ఉంది. ప్రభాస్ త్రిష జోడీ బాగుంటుంది కానీ ప్రభాస్ కు జోడీగా జాన్వీ కపూర్ (Janhvi Kapoor)  , అలియా భట్ (Alia Bhatt) లలో ఎవరో ఒకరికి ఛాన్స్ ఇస్తే బాగుంటుందని ఫ్యాన్స్ ఫీలవుతున్నారు.

అయితే సందీప్ రెడ్డి వంగా (Sandeep Reddy Vanga) మనసులో ఏముందో ఎవరూ చెప్పలేరు. ఆయన ఫిక్స్ అయితే మాత్రం ప్రభాస్ త్రిష కాంబినేషన్ రిపీట్ అయినా ఆశ్చర్యపోవాల్సిన అవసరం అయితే లేదని చెప్పవచ్చు. ప్రభాస్ బాహుబలి2 (Baahubali 2) కలెక్షన్ల రికార్డ్స్ ను బ్రేక్ చేయాలనే ఆకాంక్ష ఎప్పుడు నెరవేరుతుందో చూడాలి.