అందాల కథానాయిక త్రిషపై నడిగర్‌ సంఘంలో ఫిర్యాదు నమోదైంది. విక్రమ్‌ కథానాయకుడిగా నటించిన ‘సామి 2’ సినిమాలో తొలుత త్రిషను కథానాయికగా ఎంపిక చేసుకున్నారు. షూటింగ్‌ మొదలైన కొన్ని రోజుల తరువాత త్రిష వ్యక్తిగత కారణాల వల్ల సినిమా నుంచి తప్పుకొన్నారు. దాంతో చిత్రబృందం కథానాయికగా కీర్తి సురేశ్‌ను ఎంపికచేసుకుంది.
అయితే త్రిష సినిమా నుంచి తప్పుకోవడంతో చిత్ర నిర్మాత శిబు థమీన్స్‌ నడిగర్‌ సంఘంలో ఫిర్యాదు చేశారట. ఈ విషయాన్ని శిబు మీడియా ద్వారా వెల్లడించారు. ముందు సినిమాకు ఓకే చెప్పి షూటింగ్‌ మొదలయ్యే సమయంలో తప్పుకోవడంతో తాము చాలా నష్టపోయామని శిబు పేర్కొన్నారు. ఈ విషయంలో త్రిష స్పందించాల్సి ఉంది.2003లో వచ్చిన “సామి” సినిమాకు ఇది సీక్వెల్‌గా రాబోతోంది. హరి ఈ సినిమాకు దర్శకత్వం వహించారు. దేవిశ్రీ ప్రసాద్‌ ఈ సినిమాకు స్వరాలు సమకూరుస్తున్నారు.
