త్రిష ప్రధాన పాత్రలో గోవర్ధన్ రెడ్డి తెరకెక్కిస్తున్న హారర్ చిత్రం ‘నాయకి’. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రం జూన్ 10 న ప్రేక్షకుల ముందుకు రానుంది. ఈ చిత్రంలో సత్యం రాజేష్ మొదటి సారి కథానాయకుడి పాత్రలో నటిస్తున్నాడు.
రఘు కుంచె ఈ చిత్రానికి స్వరాలు సమకూరుస్తుండగా.. గిరిధర్ మామిడిపల్లి ఈ చిత్రాన్ని తెలుగు, తమిళ భాషల్లో నిర్మిస్తున్నాడు. మరోవైపు మాదేష్ దర్శకత్వంలో తెరకెక్కనున్న మరో హారర్ చిత్రంలో త్రిష ద్విపాత్రాభినయంలో నటించనుండగా.. ఆమె ధనుష్ సరసన నటిస్తున్న ‘కోడి’ చిత్రం విడుదలకు సిద్దమౌతోంది.
