అరవిందలో ఎన్టీఆర్ డ్యూయెల్ రోల్ పై స్పందించిన త్రివిక్రమ్

మాటల మాంత్రికుడు త్రివిక్రమ్ శ్రీనివాస్, యంగ్ టైగర్ ఎన్టీఆర్ కలయికలో రూపుదిద్దుకున్న మూవీ “అరవింద సమేత వీర రాఘవ”. పూజా హెగ్డే, ఈషా రెబ్బా హీరోయిన్స్ గా నటించిన ఈ చిత్రాన్ని దసరా కానుకగా అక్టోబర్ 11 న రిలీజ్ కానుంది. రాయలసీమ నేపథ్యంలో సాగే ఈ చిత్రంలో జగపతిబాబు, నాగబాబు ఇద్దరు రెండు ఫ్యాక్షన్ గ్రూపులకు చెందిన నాయకుల పాత్రల్లో కనిపించబోతున్నారు. వరుసగా నాలుగు విజయాల తర్వాత ఎన్టీఆర్ చేస్తున్న ఈ సినిమాపై భారీ అంచనాలున్నాయి. ఈ సినిమాలో ఎన్టీఆర్‌ డ్యుయెల్ రోల్ చేస్తున్నాడని, తండ్రి కొడుకులుగా ఎన్టీఆర్ నటిస్తున్నట్లు వార్తలు సోషల్ మీడియాలో చక్కర్లు కొట్టాయి.

ఈ విషయాన్నీ త్రివిక్రమ్ ముందు ఉంచగా క్లారిటీ ఇచ్చారు. “అరవిందలో ఎన్టీఆర్ డ్యుయెల్ రోల్ చేయడం లేదు. ఎన్టీఆర్ కేవలం కొడుకు పాత్రలో మాత్రమే నటిస్తున్నారు. తండ్రి పాత్రలో నటించడం లేదు” అని స్పష్టంచేశారు. హారిక హాసిని క్రియేషన్స్ బ్యానర్ ఫై రాధాకృష్ణ నిర్మించిన ఈ సినిమాకి థమన్ నాలుగు అద్భుతమైన పాటలను ఇచ్చారు. తొలిసారి రాయలసీమ యాసలో ఎన్టీఆర్ డైలాగ్ చెబుతుంటే థియేటర్లు చప్పట్లతో నిండిపోతుందని చిత్ర బృందం వెల్లడించింది. తారక్ వరుసగా ఐదో హిట్ అందుకోవడం గ్యారంటీ అని తెలిపింది.