Trivikram: ఏకే రీమేక్ లో త్రివిక్రమ్ చేసిన మార్పులివే!

పవర్ స్టార్ పవన్ కళ్యాణ్ త్రివిక్రమ్ కాంబినేషన్ లో తెరకెక్కిన జల్సా, అత్తారింటికి దారేది సినిమాలు హిట్ రిజల్ట్ ను సొంతం చేసుకోగా అజ్ఞాతవాసి సినిమా మాత్రం ఫ్లాప్ రిజల్ట్ ను అందుకుంది. పవన్, త్రివిక్రమ్ కాంబినేషన్ లో అయ్యప్పనుమ్ కోషియమ్ రీమేక్ తెరకెక్కుతుండగా ఈ సినిమాకు సాగర్ కె చంద్ర దర్శకత్వం వహిస్తున్నారు. అయితే ఈ సినిమా స్క్రిప్ట్ కు సంబంధించి త్రివిక్రమ్ కీలక మార్పులు చేసినట్టు సమాచారం.

అయ్యప్పనుమ్ కోషియమ్ రీమేక్ కు త్రివిక్రమ్ డైలాగులు కూడా అందిస్తున్న సంగతి తెలిసిందే. మలయాళంలో హీరో పాత్ర వయస్సు 50 సంవత్సరాలు కాగా పవన్ కళ్యాణ్ పాత్రను 40 సంవత్సరాల వయస్సు వ్యక్తిగా త్రివిక్రమ్ మార్చినట్టు సమాచారం. ఈ సినిమాలో సపోర్టింగ్ క్యారెక్టర్ల పాత్రల పరిధిని కూడా త్రివిక్రమ్ పెంచారని ప్రచారం జరుగుతోంది. పవన్ కోసం ఫైట్లలో కూడా త్రివిక్రమ్ కీలక మార్పులు చేశారని తెలుస్తోంది. త్రివిక్రమ్ చేసిన మార్పులు అయ్యప్పనుమ్ కోషియమ్ రీమేక్ కు ప్లస్ అవుతాయో లేదో చూడాల్సి ఉంది.

త్రివిక్రమ్ మార్పుల వల్ల పవన్ పాత్ర పూర్తిగా మారిపోయిందని సమాచారం. భారీ బడ్జెట్ తో ఈ సినిమా తెరకెక్కుతుండగా ఈ సినిమా సంక్రాంతి పండుగకు రిలీజ్ కానుంది. ఈ సినిమాలో రానా పాత్ర ఎమోషన్స్ తో ఉంటుందని ఇప్పటివరకు పోషించని భిన్నమైన పాత్రను రానా ఈ సినిమాలో పోషిస్తున్నారని సమాచారం. పవన్ రానా కలిసి నటిస్తున్న తొలి సినిమా ఇదే కావడం గమనార్హం. పవన్ ఫ్యాన్స్ కు పూనకాలు వచ్చే విధంగా ఈ సినిమా ఉండనుందని తెలుస్తోంది.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!