అత్తారింటికి దారేది లాంటి హిట్ రిపీట్ కావాలని దర్శకుడి ప్రయత్నం

పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో రానున్న మూడో సినిమాకు పనులు వేగంగా జరుగుతున్నాయి. హారిక అండ్ హాసిని క్రియేషన్స్ బ్యానర్ లో తెరకెక్కనున్న ఈ మూవీకి గత చిత్రాల సెంటిమెంట్ ని డైరక్టర్ ఫాలో అవుతున్నారు. ఆ సెంటిమెంట్ ఏమిటని ఆలోచిస్తున్నారా? అదేనండీ మరదళ్ల సెంటిమెంట్. వీరి కాంబినేషన్లో వచ్చిన తొలి చిత్రం జల్సాలో హీరో, హీరోయిన్ అక్కను ప్రేమించి ఆమె వేరేవారిని పెళ్లి చేసుకోవడంతో, చెల్లిని ప్రేమిస్తాడు.

అత్తారింటికి దారేది లో కూడా పవన్ కి ఇద్దరు మరదళ్లు ఉంటారు. అక్కను ప్రేమించి, వర్క్ అవుట్ కాకపోవడంతో చెల్లెలి పై మనసు పారేసుకుంటాడు. అదే విధంగా తాజా చిత్రంలోనూ ఇద్దరు మరదళ్లు ఉంటారని సమాచారం.  పెద్ద మరదలుగా గోపికమ్మ పూజ హెగ్డే ని  సెలక్ట్ చేశారు. చిన్న మరదలిగా నేను శైలజ భామ కీర్తి సురేష్ ను ఖరారు చేశారు. పవన్ తొలి సారి వీరిద్దరితో స్క్రీన్ ని పంచుకోబోతున్నారు. ఈ ముద్దుగుమ్మలతో పవన్ రొమాన్స్ సినిమాకి కొత్త ఫ్లేవర్ అద్దుతుందని సినీ ప్రముఖులు చెబుతున్నారు. పైగా మొదటి నుంచి వస్తున్న సెటిమెంట్ విజయాన్ని ఇస్తుందని నమ్ముతున్నారు. వై దిస్ కొలవరి ఫేమ్ అనిరుద్ సంగీతమందిస్తున్న ఈ ఫిల్మ్ ఫై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.