సెప్టెంబర్ 2న పవన్ కళ్యాణ్ పుట్టినరోజు వేడుకలు జరుపుకోనున్నారు. ఈ సందర్భంగా అభిమానులంతా ఆయన సినిమాల అప్డేట్స్ కోసం ఎదురుచూస్తున్నారు. ‘భీమ్లా నాయక్’ నుంచి ఓ పాట వస్తుందని ముందే సమాచారం అందింది. పవన్-హరీష్ శంకర్ ల కాంబినేషన్ లో ఓ సినిమా రాబోతుంది. దీనికి సంబంధించిన అప్డేట్ పవన్ పుట్టినరోజు సందర్భంగా వస్తుందని అభిమానులు ఆశిస్తున్నారు. వీరితో పాటు క్రిష్ దర్శకత్వం వహిస్తున్న ఏఎంరత్నం సినిమా ‘హరిహర వీరమల్లు’ నుంచి కూడా ఓ చిన్న టీజర్ వస్తుందని అందరి ఆశ.
ఒకేసారి మూడు సినిమాలకు సంబంధించిన అప్డేట్స్ వచ్చేస్తే ఎలా అనేది ‘భీమ్లా నాయక్’ టీమ్ ను ఇబ్బంది పెడుతోంది. పవన్ అభిమానుల ఫోకస్ మొత్తం తమపైనే ఉండాలనే సెప్టెంబర్ 2న మిగిలిన అప్డేట్స్ రాకూడదు. అందుకే త్రివిక్రమ్ స్వయంగా రంగంలోకి దిగారని సమాచారం. ‘పవన్ పుట్టినరోజున మీ సినిమాలకు సంబంధించిన అప్డేట్స్ ను ఆపండి’ అంటూ త్రివిక్రమ్.. పవన్ ఆఫీస్ నుండి హరీష్ శంకర్, క్రిష్ సినిమాలకు సంబంధించిన వారికి ఫోన్లు వెళ్లాయట.
దీంతో ఆ రెండు చిత్రాల నిర్మాతలు షాక్ అయ్యారట. పవన్ పుట్టినరోజు నాడు అప్డేట్ ఇచ్చి ఫ్యాన్స్ ను ఖుషీ చేయాలని ఎవరికి ఉండదు..? హరీష్ శంకర్ చాలా రోజులుగా తన సినిమా టైటిల్ రివీల్ చేయాలనుకుంటున్నాడు. క్రిష్ కూడా తన సినిమా అప్డేట్ ఇవ్వాలని చూస్తున్నాడు. కానీ ఇప్పుడు త్రివిక్రమ్ క్యాంప్ తీసుకున్న నిర్ణయంతో ఇతర చిత్రాల నిర్మాతలు తలలు పట్టుకున్నారు. ప్రస్తుతానికైతే తమ సినిమాల అప్డేట్స్ ను వాయిదా వేసినట్లు టాక్. మరేం జరుగుతుందో చూడాలి!
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home