సత్యదేవ్ సినిమాకి త్రివిక్రమ్ టైటిల్..?

‘జులాయి’ సినిమా వరకూ చిన్న చిన్న టైటిల్స్ నే పెట్టుకుంటూ వచ్చాడు త్రివిక్రమ్. అయితే పవన్ కళ్యాణ్ తో చేసిన ‘అత్తారింటికి దారేది’ నుండీ తన సినిమాలకి పెద్ద పెద్ద టైటిల్స్ ను పెట్టడం మొదలుపెట్టాడు. నిజానికి ‘ఖలేజా’ సినిమాకి కూడా ‘దైవం మనుష్య రూపేణా’ అనే పెద్ద టైటిల్ నే అనుకున్నాడట. కానీ మహేష్ ఫ్యాన్స్ ను అతని స్టార్ డం ను దృష్టిలో పెట్టుకుని నిర్మాతలతో డిస్కస్ చేసి ‘మహేష్ ఖలేజా’ గా మార్చాడని తెలుస్తుంది. సరే ఇది పక్కన పెడితే.. త్రివిక్రమ్ దగ్గర పెద్ద పెద్ద టైటిల్స్ చాలానే ఉన్నాయి.

అందుకేనేమో ఇటీవల ఓ చిన్న సినిమాకి తాను రిజిస్టర్ చేయించుకున్న టైటిల్ ను .. ఆ సినిమా హీరో అడగ్గానే ఇచ్చేశాడట త్రివిక్రమ్. వివరాల్లోకి వెళితే.. సత్యదేవ్, తమన్నా లు ప్రధాన పాత్రల్లో ‘గుర్తుందా శీతాకాలం’ అనే చిత్రం రూపొందుతోన్న సంగతి తెలిసిందే. క‌న్న‌డ‌లో సూపర్ హిట్ అయిన ‘ల‌వ్ మాక్‌టైట్‌’ చిత్రానికి ఇది రీమేక్. అయితే ‘గుర్తుందా శీతాకాలం’ అనే టైటిల్ ను ఇదివరకు ఎప్పుడో త్రివిక్రమ్ రిజిస్టర్ చేయించి పెట్టుకున్నాడట.

అయితే ‘ల‌వ్ మాక్‌టైట్‌’ రీమేక్ కు ఈ టైటిల్ అయితే బాగుంటుంది అని హీరో సత్యదేవ్ భావించి త్రివిక్రమ్ ను.. ఈ టైటిల్ కావాలి అని రిక్వెస్ట్ చేశాడట. త్రివిక్రమ్ కూడా సంతోషంగా సత్యదేవ్ రిక్వెస్ట్ ను యాక్సెప్ట్ చేసినట్టు సమాచారం. గతంలో ‘అత్తారింటికి దారేది’ చిత్రంలో సత్యదేవ్ కూడా నటించిన సంగతి తెలిసిందే.

Most Recommended Video

మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!