“అరవింద సమేత” తర్వాత యువ హీరోతో సినిమా చేసే ఆలోచనలో త్రివిక్రమ్!

మాటల మాంత్రికుడు త్రివిక్రమ్ శ్రీనివాస్ దెబ్బతిన్న పులిలాగా పంజా విసిరారు. “అరవింద సమేత వీర రాఘవ” సినిమాతో సూపర్ హిట్ కొట్టారు. యంగ్ టైగర్ ఎన్టీఆర్ ఎంతో శ్రద్ధగా చేసిన ఈ మూవీ దసరా సందర్భంగా రిలీజ్ అయి మాస్, క్లాస్ అని తేడా లేకుండా అందరినీ ఆకట్టుకుంటోంది. ఫ్యాక్షన్ సినిమాల్లోనే క్లాసిక్ మూవీగా పేరు తెచ్చుకున్న ఈ చిత్రం తొలి వీకెండ్ లోనే వందకోట్ల క్లబ్ లో చేరి కలక్షన్ల వర్షం కురిపిస్తోంది. దీని తర్వాత త్రివిక్రమ్ ఎవరితో సినిమా చేస్తారనే ప్రశ్న అందరిలో మొదలయింది. ఇదివరకు ప్రకటించినట్లు వెంకటేష్ తో సినిమా చేస్తారనుకుంటే అది కుదిరేలా లేదు. ప్ర‌స్తుతం వెంకటేష్ “ఎఫ్‌2 ” సినిమా చేస్తున్నారు.

ఇది షూటింగ్ చివరి దశలో ఉంది. దీని తర్వాత “వెంకీ మామ‌” పట్టాలెక్కించనున్నారు. సో అతనితో సినిమా మొదలు పెట్టడానికి కనీసం ఐదు నెలలు సమయం పడుతుంది. ఇక అల్లు అర్జున్ తో సినిమా చేద్దామనుకుంటే కొన్ని కారణాలు అడ్డుగా మారాయని సమాచారం. అందుకే “అ..ఆ” సినిమా త‌ర‌హాలో లో-బ‌డ్జెట్ లో సినిమా చేయాలనుకుంటున్నారని తెలిసింది. అందుకోసం ఓ యువ హీరోని సంప్రదించినట్టు టాక్. ఈ సినిమా గురించి అధికారిక ప్రకటన త్వరలోనే రానుంది.