Trivikram: ఆ ఇద్దరినీ త్రివిక్రమ్‌ ఎలా డీల్‌ చేస్తాడో చూడాలి!

ఒక సినిమా ఇద్దరు సంగీత దర్శకులు ఉండటం పెద్ద విషయం కాదు. చాలా సినిమాల్లో ఇద్దరేసి, ముగ్గురేసి దర్శకులు ఉన్నారు కూడా. అయితే ఇద్దరు అగ్ర సంగీత దర్శకులు ఒకే సినిమాలో ఉంటే… కచ్చితంగా అద్భుతమే అని చెప్పాలి. అందులోనూ ఆ సినిమా ఇండస్ట్రీలో ఓ అగ్రహీరోదైతే… ఆ సినిమాకు దర్శకత్వం వహించేది… సుప్రసిద్ధ దర్శకుడు అయితే ఇంకా సూపర్‌. ఇప్పటికే అర్థమైపోయుంటుంది అదే సినిమానో అని. ఆఁ.. ఆ సినిమానే SSMB28.

మహేష్‌తో 11 ఏళ్ల తర్వాత త్రివిక్రమ్‌ పని చేయబోతున్నారు. ‘అతడు’, ‘ఖలేజా’ తర్వాత చేస్తున్న సినిమా ఇది. ఎంతో ప్రతిష్ఠాత్మకంగా రూపొందిస్తున్న సినిమా కావడంతో త్రివిక్రమ్‌ అండ్‌ కో చాలా ప్లాన్స్‌ వేస్తున్నారట. అందులో భాగంగానే ఈ సినిమాకు ఇద్దరు సంగీతదర్శకుల్ని తీసుకోవాలని చూస్తున్నారట. అందులో ఒకరు దేవిశ్రీప్రసాద్‌ కాగా, రెండో వ్యక్తి తమన్‌. అవును ఈ రెండు కత్తులు SSMB28 అనే ఒరలో ఇమడబోతున్నాయట.

ఇద్దరూ సూపర్‌ హిట్‌ మ్యూజిక్‌ ఆల్బమ్స్‌ ఇచ్చిన సంగీత దర్శకులే. త్రివిక్రమ్‌, మహేష్‌తో ఇద్దరికీ మంచి అనుబంధమే ఉంది. ఆ నేపథ్యంలో కలసి ఒకే సినిమాకు పని చేస్తారని టాక్‌. ఒకవేళ అదే జరిగితే ఈ సినిమా మరో వండర్‌ అవుతుందంటున్నాయి టాలీవుడ్ వర్గాలు. అయితే ఇద్దరూ చెరో మూడు పాటలకు సంగీతం ఇస్తారా? లేక పాటలు ఒకరు, నేపథ్య సంగీతం ఒకరు తీసుకుంటారా అనేది తెలియాలి. అన్నట్లు తమన్‌ బ్యాగ్రౌండ్‌ మ్యూజిక్‌ ఇటీవల కాలంలో బాగా హైలైట్‌ అవుతూ వస్తోంది. అలా అని దేవి కూడా తక్కువ వాడేం కాదు.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!