షారుఖ్ ఖాన్ పై భారీ ట్రోలింగ్.. కారణమేంటంటే..?

June 13, 2022 / 06:28 AM ISTByFilmy Focus

Join Us

షారుఖ్ ఖాన్ పై భారీ ట్రోలింగ్.. కారణమేంటంటే..?

దక్షిణాది స్టార్ హీరోయిన్ నయనతార, దర్శకుడు విఘ్నేష్ శివన్ ను ప్రేమించి పెళ్లి చేసుకుంది. తమిళనాడులోని మహాబలిపురంలో జూన్ 9న హిందూ సంప్రదాయం ప్రకారం వీరికి వివాహం జరిగింది. వీరి పెళ్లి వేడుకకు కోలీవుడ్ స్టార్స్ రజినీకాంత్, సూర్య, విజయ్, అజిత్ కుమార్, విజయ్ సేతుపతితో పాటు బాలీవుడ్ నిర్మాత బోనీకపూర్ కూడా హాజరయ్యారు. అలానే బాలీవుడ్ స్టార్ హీరో షారుఖ్ ఖాన్ పెళ్లికి హాజరై నయన్-విఘ్నేష్ లను ఆశీర్వదించారు.

ఈ సందర్భంగా పలువురు సెలబ్రిటీలతో పాటు తన అభిమానులతో షారుఖ్ దిగిన ఫొటోలు సోషల్ మీడియాలో వైరల్ అవుతున్నాయి. ‘ఓయ్’ హీరోయిన్ షామిలీ.. షారుఖ్ తో దిగిన ఫొటోను ఇన్స్టాగ్రామ్ లో షేర్ చేస్తూ మురిసిపోయింది. చిన్నప్పటి నుంచి ఆరాధిస్తున్న తన ఫేవరెట్ హీరోని కలిసినందుకు చాలా సంతోషంగా ఉందని రాసుకొచ్చింది.

ఈ ఫొటోల్లో షారుఖ్ ఖాన్ లుక్ చూసిన ఫ్యాన్స్ చాలా హ్యాండ్‌సమ్‌గా ఉన్నారంటూ కామెంట్స్ చేస్తున్నారు. అయితే కొందరు మాత్రం షారుఖ్ ను పెళ్లికి హాజరైనందుకు తిట్టిపోస్తున్నారు. ఎందుకంటే.. ఇటీవల కరణ్ జోహార్ బర్త్ డే పార్టీకి వెళ్లిన చాలా మందికి కరోనా వచ్చింది. అందులో షారుఖ్ ఖాన్ కూడా ఒకరు. అయితే వారం రోజుల్లోనే కరోనా నుంచి కోలుకోవడంతో నయనతార పెళ్లికి హాజరయ్యారు షారుఖ్.

Nayanthara Weds Vignesh

దీంతో నెటిజన్లు అతడిపై ఫైర్ అవుతున్నారు. మొన్నే కరోనా వచ్చినా కూడా పెళ్లికి వెళ్లడం అవసరమా..? అని పలువురు నిందిస్తున్నారు. ఇదిలా ఉండగా.. నయనతార, విఘ్నేష్ శివన్ తిరుపతిలో పెళ్లి చేసుకుందామనుకున్నారు. కానీ పలు కారణాల వలన అది కుదరకపోవడంతో మహాబలిపురంలోని ఓ రిసార్ట్ లో ఘనంగా పెళ్లి చేసుకున్నారు. వారి పెళ్లి రోజు సందర్భంగా లక్ష మందికి విందు భోజనం వడ్డించారు.