స్టార్ డైరెక్టర్ రాజమౌళి ఆర్ఆర్ఆర్ మూవీ షూటింగ్ ను పూర్తి చేసిన సంగతి తెలిసిందే. ప్రస్తుతం ఆర్ఆర్ఆర్ పోస్ట్ ప్రొడక్షన్ పనులు జరుగుతుండగా ఈ సినిమా రిలీజ్ డేట్ గురించి త్వరలో స్పష్టత రానుందని తెలుస్తోంది. క్రిష్ వైష్ణవ్ తేజ్ తో తెరకెక్కించిన సినిమాను అక్టోబర్ 8వ తేదీన రిలీజ్ చేస్తున్న నేపథ్యంలో ఆర్ఆర్ఆర్ అక్టోబర్ 13వ తేదీకి రిలీజ్ కాదని క్రిష్ కు ఖచ్చితమైన సమాచారం ఉందనే కామెంట్లు వినిపిస్తున్నాయి. అయితే జక్కన్న ఆర్ఆర్ఆర్ మూవీని వాయిదా వేయడానికి చాలా కారణాలు ఉన్నాయని సమాచారం.
థియేటర్లు తెరుచుకున్నా టక్ జగదీష్ సినిమా ఓటీటీలో రిలీజ్ కానున్న సంగతి తెలిసిందే. ప్రస్తుత పరిస్థితుల్లో టికెట్ రేట్లు పెరిగినా గతంలోలా సినిమాలకు భారీస్థాయిలో కలెక్షన్లు వచ్చే అవకాశాలు అయితే కనిపించడం లేదు. ఆ రీజన్ వల్లే నాని విమర్శలు వస్తాయని తెలిసినా టక్ జగదీష్ ను ఓటీటీలో రిలీజ్ చేయడానికి ఆసక్తి చూపారు. టక్ జగదీష్ ఓటీటీలో రిలీజవుతున్న నేపథ్యంలో ఆర్ఆర్ఆర్ అక్టోబర్ 13వ తేదీన రిలీజై హిట్ టాక్ వచ్చినా కలెక్షన్లు ఆశించిన స్థాయిలో వచ్చే అవకాశాలు లేవని మేకర్స్ భావిస్తున్నట్టు తెలుస్తోంది.
ఏపీలో టికెట్ రేట్ల పెంపుకు కచ్చితంగా అనుమతులు వస్తాయని చెప్పే పరిస్థితులు కూడా లేవు. మరోవైపు కేరళతో పాటు పలు రాష్ట్రాల్లో కరోనా కేసులు భారీ స్థాయిలో నమోదవుతున్నాయి. ఓవర్సీస్ లో ఈ మధ్య కాలంలో విడుదలైన సినిమాలు ఆశించిన స్థాయిలో కలెక్షన్లను సొంతం చేసుకోలేదు. ఆర్ఆర్ఆర్ ఈ ఏడాది డిసెంబర్ లో రిలీజవుతుందో లేక వచ్చే ఏడాదికి పోస్ట్ పోన్ అవుతుందో చూడాల్సి ఉంది. ఆర్ఆర్ఆర్ రిలీజ్ డేట్ ను బట్టి తమ సినిమాల రిలీజ్ డేట్లను ప్రకటించాలని పలు సినిమాల మేకర్స్ భావిస్తున్నారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
