Andhadhun Remake: మిగిలిన రెండు ‘అంధాదున్‌’ల గురించి తెలుసా?

September 23, 2021 / 04:35 PM ISTByFilmy Focus

Join Us

Andhadhun Remake: మిగిలిన రెండు ‘అంధాదున్‌’ల గురించి తెలుసా?

ఏ వుడ్‌లో అయినా ఓ సినిమా హిట్‌ అయ్యింది అంటే… మిగిలిన వుడ్‌ల కళ్లు పడతాయి అంటుంటారు. అలా చాలా సినిమాలు ఒక దగ్గరి నుండి మరో దగ్గరకు వెళ్లాయి. అందులోనూ అవార్డులు అందుకున్న సినిమాలైతే ఇంకా వేగంగా వెళ్తూ ఉంటాయి. ఇప్పుడు అలాంటి సినిమానే ‘అంధాదున్‌’. ఆయుష్మాన్‌ ఖురానా నటించిన ఈ సినిమా వివిధ భాషల్లో రీమేక్‌ అవుతోంది. అందులో ఒకటి రిలీజ్‌ అవ్వగా… ఇంకో రెండు రెడీగా ఉన్నాయి.

‘అంధాదున్‌’ రీమేక్‌గా తెలుగులో ‘మాస్ట్రో’ అనే సినిమా రూపొందింది. నితిన్‌ నటించిన ఈ సినిమా ఇటీవల ఓటీటీ వేదికగా విడుదలై… మంచి విజయం సాధించింది. మాతృకకు తగ్గట్టుగా… ‘మాస్ట్రో’ తెరకెక్కించారని అందరూ మెచ్చుకున్నారు. ఇప్పుడు మరో రెండు సినిమాలు అలరించడానికి సిద్ధమవుతున్నాయి. అందులో ఒకటి తమిళంలో కాగా, మరొకటి మలయాళంలో రూపొందుతోంది. తమింలో ప్ర‌శాంత్ హీరోగా ఆయన తండ్రి త్యాగ‌రాజ‌న్ ద‌ర్శ‌క‌త్వంలో రీమేక్ మొదలైంది. ట‌బు పాత్ర‌ కోసం సిమ్రన్‌ను తీసుకున్నారు. రాధిక ఆప్టే పాత్రను ప్రియా ఆనంద్ చేస్తోంది.

మ‌ల‌యాళం రీమేక్ ‘భ్ర‌మం’ పేరుతో తెరకెక్కుతోంది. పృథ్వీరాజ్ సుకుమారన్ మ‌ల‌యాళంలో లీడ్ రోల్. టబు పాత్రను మమతా మోహన్‌దాస్‌ చేస్తోంది. రాధికా ఆప్టే పాత్రను రాశీ ఖన్నా కథానాయికగా నటిస్తోంది. ప్రముఖ సినిమాటోగ్రాఫర్‌ రవి.కె.చంద్రన్‌ దర్శకత్వం వహిస్తున్నారు. అక్టోబ‌రు 7న ఈ సినిమా కూడా ఓటీటీలోనే వస్తుంది.