సంక్రాంతి సినిమాలేంటి?… ఈ ప్రశ్న గత కొద్ది రోజులుగా టాలీవుడ్‌లో వినిపిస్తూనే ఉంది. కారణం ఈ సారి పొంగల్‌ సీజన్‌కు ఎక్కువ సినిమాలు వరుసలో ఉన్నాయి కాబట్టే ఈ డౌట్‌. ఈ విషయంలో ఇండస్ట్రీలో ఏవో చర్చలు జరుగుతున్నాయి అని, త్వరలో క్లారిటీ వస్తుందని వార్తలు వస్తూనే ఉన్నాయి. సంక్రాంతికి అన్ని సినిమాలు విడుదలకు సిద్ధంగా ఉంటే థియేటర్ల దగ్గర పరిస్థితి అంత ఈజీగా ఉండదు అని అందరికీ తెలుసు.
ఇప్పుడు కొత్త చర్చ ఏంటంటే… సంక్రాంతి సినిమాలు తమ ప్రచారం షురూ చేస్తున్నాయి. కానీ ఓ రెండు సినిమాలు ఇంకా స్టార్ట్‌ చేయలేదు. ప్రచారం స్టార్ట్‌ చేయలేదు అని చెప్పలేం కానీ… ఇంకా టీజర్‌ కానీ, ట్రైలర్‌ కానీ రాలేదు అనేదే ఇక్కడ విషయం. ప్రస్తుతం టాలీవుడ్‌లో సంక్రాంతి సినిమాల సందడి ప్రమోషన్ల రూపంలో జరుగుతోంది. ఎవరికి వారు తమ కంటెంట్‌ను ప్రేక్షకుల ముందుకు తీసుకొస్తున్నారు.
అలా ఇప్పటివరకు నాగార్జున సినిమా ‘నా సామిరంగ’, రవితేజ ‘ఈగిల్‌’, ప్రశాంత్‌ వర్మ – తేజ సజ్జ ‘హను – మాన్‌’ టీజర్‌ వచ్చేశాయి, అలరించాయి కూడా. దీంతో మరో ఇద్దరు పెండింగ్‌ అని అంటున్నారు. ఎవరు పెండింగ్‌ ఉన్నారు అని చూస్తే… ఒకటి చాలా రోజులుగా సంక్రాంతి సినిమా అని చెబుతున్న మహేష్ బాబు – త్రివిక్రమల్‌ ‘గుంటూరు కారం’. రెండోది వెంకటేశ్‌ ‘సైంధవ్‌’. ఈ రెండు సినిమాల టీజర్‌ / ట్రైలర్లు వచ్చేస్తే వాటి సంగతేంటో చూద్దాం అని ప్రేక్షకులు ఎదురుచూస్తున్నారు.
ఎందుకంటే ఇప్పటివరకు వచ్చిన ‘నా సామిరంగ’, ‘ఈగిల్‌’, ‘హను – మాన్‌’ టీజర్లు అయితే అదిరిపోయే ఫీలింగ్‌ను కలిగించాయి. అయితే ‘గుంటూరు కారం’ నుండి వచ్చిన రెండు పాటలు, ‘సైంధవ్‌’ నుండి వచ్చిన ఒక పాటకు మంచి స్పందనే వచ్చింది. దీంతో ఆ సినిమాల టీజర్‌, ట్రైలర్లు మీద ఆసక్తి పెరిగింది. అవికానీ క్లిక్‌ అయితే ఇంకాస్త ఇంపాక్ట్‌ పొంగల్‌ ఫైట్‌లో కనిపిస్తుంది. దీంతోపాటు ‘సంక్రాంతి సినిమాలు’ ఏవి ఫైనల్‌ అవుతాయో కూడా తేలిపోతుంది.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
