సినీ నేపథ్యం లేని కుటుంబం నుంచి హీరోగా ఓ ఎత్తుకి ఎదిగి.. అంతే స్పీడ్ గా కనుమరుగైన నటుడు ఉదయ కిరణ్. ఆయన ఆత్మ హత్య చేసుకోవడం వెనుక అనేక కారణాలున్నాయని అప్పట్లో వార్తలు చక్కర్లు కొట్టాయి. ఉదయ్ కిరణ్ కెరీర్ పతనం కావడానికి, అతను కుమిలిపోవడానికి వెనుక ప్రధానంగా చిరంజీవి కుటుంబం ఉందని అతని అభిమానులు అనుమానించారు. ఈ వార్తలను, అనుమానాలను ఉదయ్ కిరణ్ సోదరి శ్రీదేవి తిప్పికొట్టారు. చిరు, ఉదయ్ ల మధ్య జరిగిన విషయాల గురించి ఆమె మాట్లాడారు. ఉదయ్ కిరణ్ సుష్మిత కంటే ముందు ఓ యువతిని ప్రేమించాడని, ఆ ప్రేమ బ్రేక్ అప్ అయ్యాక మానసికంగా కుంగిపోయాడని చెప్పారు. ప్రేమ విఫలమవడంతో ఆతడు కొన్ని నెలల పాటు బయటకు రాలేదని, ఆ సమయం లో చిరంజీవి ఉదయ్ ని ప్రోత్సహించి, కెరీర్ పై దృష్టి పెట్టేలా చేసారని తెలిపారు.
ఉదయ్ తన పాత జ్ఞాపకాల నుంచి బయట పడ్డ తరువాత తన కుమార్తె సుష్మిత ప్రేమను తెలుసుకొని, వివాహం చేసుకోవాలని చిరంజీవే స్వయంగా ఉదయ్ ని అడిగినట్లు వెల్లడించారు. సుష్మితను పెళ్లి చేసుకోవడానికి మొదట్లో ఒప్పుకున్నా, తర్వాత ఉదయ్ కిరణే ఆ వివాహాన్ని ఆపేసినట్లు శ్రీదేవి వివరించారు. కెరీర్ లో రాణించలేకపోవడం, ఆత్మహత్య చేసుకోవడంలో మెగా కుటుంబ సభ్యుల ప్రమేయం ఏమీ లేదని, అదంతా అతని తలరాతని బాధ పడ్డారు.
Also, do SUBSCRIBE to our YouTube channel to get latest Tollywood updates.
