ఆర్ఆర్ఆర్ మూవీకి ఊహించని సమస్య.. ఏమైందంటే..?

దర్శకధీరుడు రాజమౌళి డైరెక్షన్ లో తెరకెక్కుతున్న ఆర్ఆర్ఆర్ మూవీపై తెలుగుతో పాటు ఇతర భాషల్లో సైతం భారీగా అంచనాలు నెలకొన్న సంగతి తెలిసిందే. మొదట ప్రకటించిన రిలీజ్ డేట్ ప్రకారం 2020 సంవత్సరం జులై 31వ తేదీన ఆర్ఆర్ఆర్ సినిమా విడుదల కావాల్సి ఉంది. కానీ వేర్వేరు కారణాల వల్ల రాజమౌళి రిలీజ్ డేట్ ను 2021 సంవత్సరం జనవరి 8వ తేదీకి మార్చారు. కానీ కరోనా, లాక్ డౌన్ వల్ల ఆర్ఆర్ఆర్ రిలీజ్ డేట్ మళ్లీ మారింది.

ఈ ఏడాది దసరా పండుగ కానుకగా ఆర్ఆర్ఆర్ సినిమాను విడుదల చేయాలని భావిస్తున్న రాజమౌళి శరవేగంగా షూటింగ్ ను పూర్తి చేయడం కోసం అహర్శిశలు శ్రమిస్తున్నారు. ఈ సినిమా కోసం రాజమౌళి నిద్రలేని రాత్రులు గడుపుతున్నట్టు గతంలో వార్తలు వచ్చాయి. గత కొన్ని రోజుల నుంచి ఎటువంటి ఆవాంతరాలు లేకుండా ఆర్ఆర్ఆర్ షూటింగ్ జరుగుతుండగా హీరోయిన్ అలియా భట్ రాజమౌళికి కొత్త సమస్యలను సృష్టించింది. స్టార్ హీరో రణబీర్ కపూర్ కు కరోనా పాజిటివ్ నిర్ధారణ కావడంతో అలియా భట్ ప్రస్తుతం హోమ్ ఐసోలేషన్ లో ఉన్నారు.

మరికొన్ని రోజుల్లో అలియా భట్ ఆర్ఆర్ఆర్ షూటింగ్ లో పాల్గొనాల్సి ఉండగా తాత్కాలికంగా ఈ షెడ్యూల్ షూటింగ్ వాయిదా పడే అవకాశాలు కనిపిస్తున్నాయి. ఆర్ఆర్ఆర్ మూవీలో అలియా భట్ సీత పాత్రలో నటిస్తుండగా ఈ పాత్ర నిడివి సినిమాలో మరో పాత్రలో నటిస్తున్న ఒలీవియా మోరిస్ కంటే ఎక్కువని తెలుస్తోంది. మరోవైపు ఆర్ఆర్ఆర్ మూవీ అనుకున్న తేదీకి రిలీజ్ అవుతుందా..? కాదా..? అనే సందేహం ఫ్యాన్స్ ను వేధిస్తోంది. అలియా భట్ ఆర్ఆర్ఆర్ మూవీ షూటింగ్ లో ఎప్పటినుంచి పాల్గొంటారో చూడాల్సి ఉంది.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!