ఆ తమిళ సినిమా రీమేక్ నుండి సునీల్ ఔట్!

“ఉంగరాల రాంబాబు” సినిమా ఎఫెక్ట్ హీరో సునీల్ పై కాస్త గట్టిగానే పడింది. చిత్ర దర్శకుడు క్రాంతిమాధవ్ మునుపటి చిత్రం “మళ్ళీ మళ్ళీ ఇదిరాని రోజు” ఘన విజయం సొంతం చేసుకోవడంతో అదే స్థాయిలో “ఉంగరాల రాంబాబు” కూడా విజయం సాధిస్తుందనుకొన్నారందరూ. హిట్ అవ్వకపోయినా కనీసం మంచి సినిమాగానైనా నిలిచిపోతుందనుకోన్నారందరూ. కానీ.. ఎవ్వరూ ఊహించని రీతిలో డిజాస్టర్ గా నిలిచిందా సినిమా.

నిర్మాతకు భారీ నష్టాలతోపాటు, ప్రేక్షకులకు థియేటర్లో కష్టాలు కూడా తెచ్చిపెట్టిన “ఉంగరాల రాంబాబు” రిజల్ట్ కారణంగా నెక్స్ట్ సినిమాగా ఎనౌన్స్ చేసిన “శతురంగ వెట్టై” తెలుగు రీమేక్ క్యాన్సిల్ అయినట్లు తెలుస్తోంది. అయితే.. సునీల్ ను సినిమా నుంచి తప్పించడం కోసమే ఈ క్యాన్సిల్ డ్రామా అని, త్వరలోనే సునీల్ స్థానంలో వేరే హీరోని తీసుకొని “శతురంగ వేట్టై” తెలుగు రీమేక్ ను పట్టాలెక్కించేందుకు సన్నాహాలు చేస్తున్నారు దర్శకనిర్మాతలు.