‘బిగ్ బాస్ 6’ స్టార్ట్ అయ్యి సక్సెస్ ఫుల్ గా రెండు వారాలు పూర్తి చేసుకుంది. ప్రస్తుతం మూడో వారం రన్ అవుతుంది. ఈ సీజన్ కు ఎక్కువగా జనాలకు తెలియని కంటెస్టెంట్లు ఎంట్రీ ఇచ్చారు. తెలిసిన కంటెస్టెంట్లు తక్కువ మందే ఉన్నారు అందులో సుదీప రాపర్తి ఒకరు. ఇలా చెప్తే ఎవ్వరికీ అర్థం కాకపోవచ్చు.. అదే ‘నువ్వు నాకు నచ్చావ్’ పింకీ అనగానే అందరికీ టక్కున గుర్తొచ్చేస్తుంది. నిజానికి గత 2,3 సీజన్ల నుండి ఈమెను కాంటాక్ట్ చేస్తూనే ఉన్నారట బిగ్ బాస్ వాళ్ళు. కానీ కొన్ని కారణాల వలన ఆమె ముందు సీజన్లలో భాగం కాలేకపోయింది. సీజన్ 6 లో మాత్రం ఛాన్స్ మిస్ చేసుకోకూడదు అని ఈమె డిసైడ్ అయ్యింది. ఈమె గురించి కొన్ని ఆసక్తికరమైన విషయాలు ఇప్పుడు తెలుసుకుందాం రండి :
1) 1987 వ సంవత్సరం ఫిబ్రవరి 28న ఆంధ్రప్రదేశ్, పశ్చిమగోదావరి జిల్లాకు చెందిన తాడేపల్లి గూడెం లో ఈమె జన్మించింది.
2) ఈమె బ్రాహ్మణ కుటుంబానికి చెందిన వ్యక్తి. అలాగే క్లాసికల్, భరతనాట్యం డాన్స్ లో కూడా సిద్దహస్తురాలు. ‘బిగ్ బాస్’ స్టేజి పై నాగార్జున చెప్పిన హావభావాలను క్లాసికల్ డాన్స్ రూపంలో పలికించిన సంగతి తెలిసిందే.తన 3 వ ఏట నుండే సుదీప క్లాసికల్ డాన్స్ నేర్చుకోవడం మొదలు పెట్టింది.
3) సుదీప మాత్రమే కాదు ఆమె తల్లి సత్యవతి, తండ్రి సూర్య నారాయణ కూడా క్లాసికల్ డాన్సర్సే..!
4) 1994లో వచ్చిన మోహన్ బాబు చిత్రం ‘ఎం.ధర్మరాజు ఎం.ఎ’ చిత్రంతో సినిమాల్లోకి ఎంట్రీ ఇచ్చింది సుదీప. అటు తర్వాత ‘అల్లుడు గారు వచ్చారు’ ‘మా అన్నయ్య’ వంటి చిత్రాల్లో నటించింది.
5) ఇప్పటి వరకు 30కి పైగా చిత్రాల్లో నటించింది సుదీప. అయితే ఆమెకు ‘నువ్వు నాకు నచ్చావ్’ చిత్రం బ్రేక్ ఇచ్చింది.ఆ చిత్రంలో పింకీ గా వెంకటేష్ తో కలిసి ఈమె పండించిన హాస్యాన్ని ఎప్పటికీ మర్చిపోలేం..! ఆ చిత్రంతో ఈమె తెలుగు రాష్ట్రాల ప్రజలకు ఈమె పింకీ గానే గుర్తుండిపోయింది.
6) 2010 నుండి సుదీప సీరియల్స్ లో నటించడం కూడా మొదలు పెట్టింది. సునయన, కొత్త బంగారం, మావిచిగురు, పసుపు కుంకుమ, ప్రతిఘటన, ఆ ఒక్కటి అడక్కు వంటి చిత్రాల్లో ఈమె నటించింది.
7) సుదీప సాఫ్ట్ వేర్ ఇంజనీర్ అయిన రంగనాథ్ ను ప్రేమించి పెళ్లి చేసుకుంది. మొదట వీరి పెళ్లికి పెద్దలు అంగీకరించలేదు. వాళ్ళను ఒప్పించడానికి 4 ఏళ్ళు టైం పట్టిందట. ఫైనల్ గా పెద్దలు అంగీకరించడంతో అతన్నే పెళ్లి చేసుకుంది.
8) సుదీప కి డాన్సింగ్ మరియు షాపింగ్ అంటే బాగా ఇష్టం. ఖాళీ టైంలో వాటికే ఈమె ప్రిఫరెన్స్ ఇస్తుంది.
9) ఇప్పటివరకు దాదాపు అందరి స్టార్ హీరోలతో నటించిన సుదీప నాగార్జున సినిమాలో మాత్రం నటించలేదట. ‘రావోయి చందమామ’ సినిమాలో అవకాశం వచ్చినట్టే వచ్చి చేజారిపోయింది అని ఈమె హౌస్ లోకి వెళ్లే ముందు నాగార్జునతో చెప్పుకొచ్చింది.
10) సుదీప సోషల్ మీడియాలో పెద్దగా యాక్టివ్ గా ఉండదు. ఈమె ఇన్స్టాగ్రామ్ ఖాతాకి 31 వేల మంది ఫాలోవర్స్ మాత్రమే ఉన్నారు. 
హౌస్ లో ఇప్పుడిప్పుడే తన కోపాన్ని బయటపెడుతోంది సుదీప. మరి బిగ్ బాస్ లో ఈమె ఎంత వరకు రాణిస్తుందో చూడాలి..!
