‘జబర్దస్త్’ కామెడీ షో విపరీతమైన క్రేజ్ సంపాదించుకున్న వారిలో సుధీర్. వేణు వండర్స్ టీం లో ఓ కమెడియన్ గా తన జర్నీ ని మొదలుపెట్టిన సుధీర్.. ఆ తరువాత టీం కెప్టెన్ అయ్యాడు. ఒక్క జబర్దస్త్ షో తో పాటు ‘ఢీ’ ‘పోవే పోరా’ వంటి షో లతో తన క్రేజ్ ను మరింతగా పెంచుకోవడంతో పాటు.. సినిమాల్లో కూడా నటిస్తున్నాడు. చిన్న చిన్న క్యారెక్టర్ రోల్స్ చేస్తూనే.. ఈ మధ్య ‘సాఫ్ట్ వేర్ సుధీర్’ చిత్రంతో హీరోగా కూడా మారి ఓకే అనిపించాడు.
ఆ చిత్రం కమర్షియల్ గా పర్వాలేదు అనిపించింది. తరువాత ‘3 మంకీస్’ అనే చిత్రంలో కూడా నటించి … మరిన్ని సినిమాల్లో నటించడానికి రెడీ అన్నట్టు హింట్ ఇచ్చాడు. ఇప్పుడు సుధీర్ 30 కి 30 రోజులు బిజీగానే గడుపుతున్నాడు. ఇతని జర్నీ కూడా ఎంతో మందికి ఇన్స్పిరేషన్ అనే చెప్పాలి. మెజీషియన్ గా కెరీర్ ను ప్రారంభించిన సుధీర్.. మరో జబర్దస్త్ కమెడియన్ ‘గెటప్’ శ్రీను కి ఫ్రెండ్ అయ్యాడు. ఆ తరువాత రూమ్ మేట్ కూడా అయ్యాడట.
అతనిలో ట్యాలెంట్ ను గుర్తించి అప్పటి ‘వేణు వండర్స్’ టీం కెప్టెన్ వేణుకి పరిచయం చేసాడట. అటు తరువాత వేణుకి సినిమాల్లో ఎక్కువ అవకాశాలు రావడంతో ‘జబర్దస్త్’ కు బ్రేక్ ఇవ్వాల్సి వచ్చింది. అప్పుడు సుధీర్ కెప్టెన్ అయ్యే ఛాన్స్ ను దక్కించుకున్నాడు. ఇక అక్కడి నుండీ వెనక్కి తిరిగి చూసుకోలేదు సుధీర్. ఇప్పుడు అతని ఆస్తి 5 కోట్ల వరకూ ఉంటుందట. సినిమాల్లో ఎన్ని అవకాశాలు వచ్చినా.. తనకి లైఫ్ ఇచ్చిన ‘జబర్దస్త్’ ను మాత్రం వదలను అంటున్నాడు సుధీర్.
1
2
3
4
5
6
7
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
