సూపర్ స్టార్ మహేష్ బాబు చిన్నప్పటి నుంచి సినిమాల్లో నటిస్తున్నారు. మొదటి రోజు షూటింగ్ స్పాట్ కి ఎంత క్రమశిక్షణతో వచ్చారో ఇప్పటికీ అదే విధంగా నడుచుకుంటున్నారు. దర్శకుల హీరోగా పేరు తెచ్చుకుంటూ సూపర్ స్టార్ గా ఎదిగారు. ఆయన నటన, సినిమాల గొప్పదనం గురించి ఇప్పుడు ప్రత్యేకంగా చెప్పాల్సింది ఏమి లేదు.. అయితే ఆ సినిమాల్లో దాగున్న కొన్ని విషయాలను మీకు వివరించబోతున్నాం. ఇవి మీకు తప్పకుండా ఆశ్చర్యాన్ని కలిగిస్తాయి.
1. పవన్ శుభాకాంక్షలు
మహేష్ బాబు “రాజకుమారుడు” చిత్రంతో హీరోగా పరిచయయ్యారు. ఈ సందర్భంలో పవర్ స్టార్ పవన్ కళ్యాణ్ ప్రిన్స్ కి బొకే అందజేసి శుభాకాంక్షలు తెలిపారు.
2. సాహసమే ఊపిరి
టక్కరి దొంగ సినిమాలో ఎన్నో రిస్కీ షాట్స్ ఉన్నాయి. వాటిని డూప్ లేకుండా మహేష్ బాబు చేశారు. సాహసం తన బ్లడ్ లో ఉందని నిరూపించుకున్నారు.
3. ఒకేరకం షూ
ఇండస్ట్రీ హిట్ గా నిలిచిన పోకిరి చిత్రంలో మొదటి నుంచి చివరి వరకు (పాటల్లో మినహా) ఒకే రకమైన షూలను మహేష్ బాబు వేసుకున్నారు.
4. నమ్మకం
బిజినెస్ మేన్ సినిమాను స్టోరీ వినకుండా ప్రిన్స్ ఒకే చేసారు. పూరి జగన్నాథ్ ని అంతలా నమ్మారు. అందుకే పూరి సోషల్ మీడియాలో తనను మహేష్ నమ్మినంతగా ఎవరూ నమ్మలేదని చెప్పారు.
5. 70 రోజుల్లో కంప్లీట్
స్టార్ హీరోల సినిమాలు కనీసం 100 రోజుల పాటు షూటింగ్ జరుపుకుంటాయి. అయితే పూరి, మహేష్ కాంబినేషన్లో వచ్చిన బిజినెస్ మేన్ 70 రోజుల్లో ప్రొడక్షన్ కంప్లీట్ చేసుకుంది.
6. పిలిచి అవకాశం
సుకుమార్ దర్శకత్వంలో వచ్చిన “జగడం” మూవీని చూసి మహేష్ బాబు టేకింగ్ కి ఫిదా అయిపోయారు. వెంటనే డైరక్టర్ ని పిలిచి తనకి కథ రెడీ చేయమని చెప్పారు. సుకుమార్ 100 % లవ్ షూటింగ్ లో ఉంటే మరో సారి పిలిచి తనతో సినిమా చేయాల్సిందేనని నిర్మాతలతో అడ్వాన్స్ ఇప్పించారు.
7. సీన్ కోసం గ్యాప్
సమయానికి షూటింగ్ చేరుకోవడం, అనుకున్న డేట్ కి షెడ్యూల్ కంప్లీట్ చేయడం సూపర్ స్టార్ కి అలవాటు. ఎప్పుడూ వాయిదా వెయ్యలేదు. అయితే తొలిసారి శ్రీమంతుడు షూటింగ్ సమయంలో ప్రీ క్లైమాక్స్ షూటింగ్ ని మూడు రోజులు పోస్ట్ పోన్ చేశారు. ఆ సన్నివేశం బాగా రావాలని మూడు రోజులు టైమ్ గ్యాప్ తీసుకున్నారు.
8. ఈగోలకు దూరం
బ్రహ్మోత్సవం సినిమాకు కెమెరా మ్యాన్ గా చేయమని చిత్ర బృందం రత్నవేలుని కలిసినప్పుడు అతను వేరే ప్రాజక్ట్ కి సైన్ చేసి ఉన్నారు. అయితే సూపర్ స్టార్ మహేష్ బాబు తమ సినిమాకి పని చేయమని స్వయంగా కోరడంతో రత్నవేలు ఒప్పుకున్నారు.
Home