మెగాస్టార్ చిరంజీవి రేపు (ఆగస్టు 22) పుట్టినరోజును జరుపుకోనున్నారు. ఈ స్పెషల్ డే ని ఆయన అభిమానులు మరింత స్పెషల్ గా జరుపుకోనున్నారు. మరి కుటుంబ సభ్యులు ఎలా జరుపుకుంటారు? అనే సందేహం అందరికి వస్తుంది. చిరు పుట్టిన రోజున ఏమి చేస్తారో.. ఆయన కోడలు ఉపాసన బయటపెట్టింది. పుట్టిన రోజు సందర్భంగా మామయ్య చిరంజీవికి ఉపాసన ఓ ప్రామిస్ చేసారంట. ఆ విషయం పై మీడియాతో మాట్లాడుతూ.. “మామయ్య నాకు ఇచ్చిన అతిపెద్ద గిఫ్ట్ రామ్ చరణ్. ఈ పుట్టినరోజున కుటుంబాన్ని, చరణ్ ను సంతోషంగా ఉంచుతానని మావయ్యకు మాటిచ్చాను. అది నాకో అందమైన బాధ్యత” అని చెప్పింది.
ఇంకా మామయ్య మంచి తనం గురించి వివరిస్తూ “మావయ్యకు నేనంటే ఎంతో నమ్మకం, నేను ఏ పని చేసిన బాగా చేస్తాననే నమ్ముతారు. అయినా ఇంకా బాగా చేయమని ప్రోత్సహిస్తారు. నేనే కాదు ఉద్యోగం చేసే ఆడవాళ్లంటే ఆయనకు ఎంతో గౌరవం.” అని వివరించింది. ఇంకా చరణ్ గురించి చెబుతూ “మావయ్య అన్నిటిలో మాస్టర్ అయితే చరణ్ ఆయనకు స్టార్ శిష్యుడు అవుతాడు” అని తన మనసులోని మాటని బయట పెట్టింది.
Also, do SUBSCRIBE to our YouTube channel to get latest Tollywood updates.
