వైద్యులను దేవుళ్లు అని ఎందుకంటారో… కరోనా మరోసారి చూపించింది. కరోనా సోకితే సొంతవాళ్లే దగ్గరకు రాలేని పరిస్థితుల్లో వైద్యులు అన్నీ తామై చూసుకొని బతికిస్తున్నారు. దీంతో వాళ్లను ఎంత పొడిగినా తక్కువే అని చెప్పొచ్చు. అలా అని చెప్పి వైద్యుల గొప్పతనాన్ని మరోమారు చెప్పుకోవడంలో తప్పేముంది. మెగా ఇంటి కోడలు ఉపాసన ఈ పని చేయబోతున్నారు అని తెలుస్తోంది. కరోనా రూపు మార్చుకొని దాడి చేస్తున్న నేపథ్యంలో గత 15 నెలల నుండి వైద్యులు కష్టపడుతూనే ఉన్నారు.
కుటుంబసభ్యులకు దూరంగా ఉంటున్నారు. ఈ క్రమంలో ప్రాణాలు కోల్పోయినవాళ్లూ ఉన్నారు. అలాంటి వారందరి గొప్పతనాన్ని ప్రజలకు చూపించడానికి ఓ షార్ట్‌ ఫిల్మ్‌ రూపొందించాలని ఉపాసన అనుకుంటున్నారట. అంతేకాదు ఇందులో ప్రధాన పాత్రధారిగా రామ్‌చరణ్‌ నటిస్తాడని సమాచారం. ఈ షార్ట్‌ ఫిల్మ్‌లో రామ్‌చరణ్‌ వైద్యుడిగా కనిపిస్తారా? లేక వైద్యుల గొప్పతనం తెలిపే వ్యక్తిగా కనిపిస్తారా? అనేది తెలియాల్సి ఉంది. దీంతోపాటు మరో కీలక పాత్రలో శర్వానంద్‌ కూడా కనిపిస్తాడని అంటున్నారు.
రామ్‌చరణ్‌కు, శర్వానంద్‌కు మంచి స్నేహమే ఉంది. కాబట్టి నటించే అవకాశం కొట్టిపారేయలేం. అయితే ఈ యాక్టర్స్‌ ఎంపిక ఇక్కడితో ఆగుతుందా… లేక మిగిలిన మెగాహీరోలు కూడా నటిస్తారా అనేది తెలియాలి. అలాగే దీనికి దర్శకత్వం ఎవరు వహిస్తారో కూడా తెలియాల్సి ఉంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home