Akhil: ‘ఏజెంట్’కి బడ్జెట్ సమస్యలు..?

ఇప్పటివరకు భారీ బడ్జెట్ సినిమాలు ఓటీటీలో రాకపోవడానికి ప్రధాన కారణం మార్కెట్ సమస్య. సినిమాను నేరుగా ఓటీటీలో రిలీజ్ చేస్తే బ్రేక్ ఈవెన్ కష్టం. అయితే ఇప్పుడు అలాంటి సమస్యలకు ‘రాధె’ చెక్ పెట్టింది. ఒకేసారి ఇటు ఓటీటీలో, అలానే అందుబాటులో ఉన్న థియేటర్లలో ఈ సినిమాను రిలీజ్ చేశారు. ఇప్పుడు ఇదే రూట్ ను ఫాలో అవ్వడానికి సిద్ధమవుతోంది ‘ఏజెంట్’ సినిమా. అఖిల్ అక్కినేని హీరోగా దర్శకుడు సురేందర్ రెడ్డి రూపొందిస్తోన్న ఈ సినిమాను ‘రాధె’లానే ఒకేసారి ఓటీటీలో,

థియేటర్లో రిలీజ్ చేయాలని అనుకుంటున్నారట. నిజానికి ఈ సినిమా ఇంకా సెట్స్ పైకి రాలేదు. రిలీజ్ చేసే సమయంలో కరోనా పరిస్థితులు సర్దుకునే ఛాన్స్ ఉంది. అయినప్పటికీ దర్శకనిర్మాతలు సినిమా రిలీజ్ ను ఇలా ప్లాన్ చేయడానికి ఓ కారణం ఉంది. ఈ సినిమాకి బడ్జెట్ సమస్యలు ఉన్నాయట. అఖిల్ మార్కెట్ ను మించి ఈ సినిమా కోసం ఖర్చుపెడుతున్నారు. అందుకే ఓ మంచి ఓటీటీ పార్ట్నర్ ను భాగస్వామిగా చేసుకొని..

థియేటర్, ఓటీటీలో ఒకేసారి సినిమాను రిలీజ్ చేసేలా ఒప్పందం చేసుకోవాలని చూస్తున్నారట. ప్రస్తుతం ఇంకా ఆలోచన దశలోనే ఉన్నప్పటికీ.. దీన్ని అమలు చేసే ఛాన్స్ ఉంది. మరోపక్క ఈ సినిమాకు సంబంధించి కొంతమంది రైటర్లను ప్రత్యేకంగా తీసుకున్నాడు దర్శకుడు సురేందర్ రెడ్డి. ఈ స్క్రిప్ట్ మరింత గ్రిప్పింగ్ గా ఉండేలా ప్లాన్ చేస్తున్నారు.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!