Adipurush: ప్రభాస్ ఆదిపురుష్ పూర్తయ్యేది ఎప్పుడంటే?

స్టార్ హీరో ప్రభాస్ ఇప్పటికే రాధేశ్యామ్ షూటింగ్ ను పూర్తి చేసిన సంగతి తెలిసిందే. ఈ ఏడాది చివరినాటికి ప్రభాస్ నటిస్తున్న ఆదిపురుష్ షూటింగ్ కూడా పూర్తి కానుంది. ప్రభాస్ హీరోగా తెరకెక్కుతున్న సినిమాలలో ఆదిపురుష్ సినిమా కూడా ఒకటి కాగా కృతి సనన్ ఈ సినిమాలో సీత పాత్రలో సైఫ్ అలీ ఖాన్ ఈ సినిమాలో రావణుడి పాత్రలో నటిస్తున్నారు. బాలీవుడ్ డైరెక్టర్ ఓం రౌత్ రామాయణ ఇతిహాస గాథ ఆధారంగా ఈ సినిమాను తెరకెక్కిస్తున్నారు.

త్రీడీలో సరికొత్త టెక్నాలజీతో ఈ మూవీ తెరకెక్కనుండగా ఇప్పటివరకు 65 రోజుల టాకీ పార్ట్ షూటింగ్ పూర్తైనట్లు సమాచారం. ప్రభాస్ ప్రస్తుతం ఈ సినిమా ప్రమోషనల్ సాంగ్ కొరకు డ్యాన్స్ ప్రాక్టీస్ చేస్తున్నారని తెలుస్తోంది. వచ్చే వారం ఈ పాట షూటింగ్ జరగనుందని సమాచారం. వచ్చే ఏడాది ఈ సినిమా పోస్ట్ ప్రొడక్షన్ పనులు జరుగుతాయని తెలుస్తోంది. 2022 సంవత్సరం ఆగష్టు 11వ తేదీన ఈ సినిమా రిలీజ్ కానుంది.

సాచెత్ తాండన్, పరంపరా ఠాకూర్ ఈ సినిమాకు సంగీతం అందిస్తున్నారు. ఈ సినిమాలో లక్ష్మణుడి పాత్రలో బాలీవుడ్ యంగ్ హీరో సన్నీసింగ్ నటిస్తున్నారు. ప్రభాస్ నటిస్తున్న తొలి మైథలాజికల్ మూవీ కావడంతో ప్రభాస్ ఫ్యాన్స్ ఈ సినిమా కోసం ఆసక్తిగా ఎదురు చూస్తున్నారు. దాదాపుగా 450 కోట్ల రూపాయల బడ్జెట్ తో ఈ సినిమా తెరకెక్కుతుండటం గమనార్హం. బాలీవుడ్ ప్రేక్షకుల్లో కూడా ఈ సినిమాపై భారీస్థాయిలో అంచనాలు నెలకొన్నాయి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!