Radhe Shyam Movie: ప్రభాస్ సినిమా క్లైమాక్స్ ఓ రేంజ్ లో!

ప్రభాస్ చాలా కాలంగా ‘రాధేశ్యామ్’ సినిమా కోసం పని చేస్తున్నారు. సినిమా మొదలై రెండేళ్లు దాటేసినా.. ఇప్పటివరకు షూటింగ్ పూర్తి చేసుకోలేకపోయింది. పోనీ సినిమా నుండి ఏమైనా అప్డేట్స్ ఇస్తున్నారా..? అంటే అదీ లేదు. అప్పుడప్పుడు పోస్టర్లు వదలడం తప్ప సరైన అప్డేట్ లేదు. దీంతో ఫ్యాన్స్ ట్విట్టర్ లో సినిమా యూనిట్ ను, పీఆర్ టీమ్ ను ఓ రేంజ్ లో ఆడేసుకుంటున్నారు. అయినప్పటికీ అప్డేట్స్ మాత్రం రావడం లేదు.

అయితే ఇప్పుడు ఫ్యాన్స్ కి ఓ గుడ్ న్యూస్. ఈ నెలాఖరు లేదా సెప్టెంబర్ ఫస్ట్ వీక్ నుండి రాధేశ్యామ్ ప్రచారానికి తెరలేవనుంది. ముందుగా మేకింగ్ వీడియో వచ్చే ఛాన్స్ ఉంది. ఆ తరువాత ఒక్కో పాటను వదులుతారు. నిజానికి సినిమా రిలీజ్ కి నాలుగు నెలల ముందు నుండే టాలీవుడ్ లో పాటలు రిలీజ్ చేస్తుంటారు. కానీ బాలీవుడ్ లో అలా కాదు. అందుకే మెల్లగా అన్నీ రిలీజ్ చేయాలని చూస్తున్నారు.

ఇదిలా ఉండగా.. ‘రాధేశ్యామ్’ సినిమాలో చివరి 20 నిమిషాల్లో గ్రాఫిక్స్ వర్క్ పీక్స్ లో ఉంటుందని సమాచారం. ఈ వర్క్ ను సినిమాలో మిగిలిన సీజీ వర్క్ ను దాదాపు అరవై స్టూడియోలకు కొద్దీ కొద్దిగా ఇచ్చారు. ప్రస్తుతం అవన్నీ రెడీ అవుతున్నాయి. ఈ గ్రాఫిక్స్ ఎపిసోడ్స్ సినిమాకి హైలైట్ గా నిలవనున్నాయని అంటున్నారు. వింటేజ్ ఇటలీ బ్యాక్ డ్రాప్ లో తెరకెక్కుతోన్న ఈ సినిమాలో పూజా హెగ్డే హీరోయిన్ గా నటిస్తోంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!