రామ్‌చరణ్‌ కొత్త సినిమా సంగతేంటి? గత కొన్ని రోజులుగా ఈ ప్రశ్న మెగా ఫ్యాన్స్ సర్కిల్స్‌లో వినిపిస్తోంది. బుచ్చిబాబు సానా ఈ మధ్య చరణ్‌కు ఓ కథ చెప్పారు అనే టాక్‌ రావడం దీనికి ఓ కారణమైతే.. చాలా రోజుల నుండి ఎలాంటి అప్డేట్ లేకపోవడం మరో కారణం. ఇదంతా శంకర్‌ సినిమా గురించి అనుకునేరు. ఆ తర్వాతి సినిమా గురించి ఈ చర్చంతా. యూవీ క్రియేషన్స్ బ్యానర్‌ మీద రామ్ చరణ్ ఓ సినిమా చేస్తాడని, దానికి గౌతమ్‌ తిన్ననూరి దర్శకుడు అని అనౌన్స్‌మెంట్‌ వచ్చిన విషయం తెలిసిందే.
ఆ అనౌన్స్‌మెంట్‌ తర్వాత సినిమాకు సంబంధించి ఎలాంటి అప్‌డేట్స్‌ లేవు. ‘జెర్సీ’ హిందీ సినిమా ఫలితంతో గౌతమ్‌తో చరణ్ సినిమా ఉండొచ్చు, ఉండకపోవచ్చు అనే డిస్కషన్స్‌ కూడా జరిగాయి. అయితే చరణ్‌తో సినిమా పక్కాగా ఉంటుందని గౌతమ్‌ క్లారిటీ ఇచ్చాడు. ఆ తర్వాత మళ్లీ సినిమా మీద సమాచారం లేకుండా పోయింది. అయితే ఈ సినిమా ప్రీ ప్రొడక్షన్‌ పనులు వేగంగా సాగుతున్నాయట. శంకర్‌ సినిమాను చరణ్ ముగించేయగానే మేకోవర్‌కు కాస్త టైమ్‌ ఇచ్చి.. సినిమా స్టార్ట్‌ చేయాలని చూస్తున్నారట.
గౌతమ్‌ మొత్తం కథను సిద్ధం చేసి ఇటీవల చరణ్‌కు వినిపించాడట. ఆ తర్వాత చిరంజీవి కూడా విని కథను ఓకే చేశారని చెబుతున్నారు. ప్రస్తుతం డైలాగ్‌ వెర్షన్‌ పనుల్లో సినిమా ఉందని సమాచారం. శంకర్‌ సినిమా విడుదల అవ్వగానే గౌతమ్‌ సినిమా స్టార్ట్‌ అవుతుంది అని ఆ మధ్య వార్తలొచ్చాయి. కానీ ‘ఇండియన్‌ 2’ కోసం శంకర్‌.. చరణ్ సినిమాకు గ్యాప్‌ ఇస్తున్నాడని వార్తలొస్తున్నాయి. కాబట్టి ఈలోపు గౌతమ్‌ సినిమా మొదలుపెడతారామో అనే అంచనాలు కూడా వినిపిస్తున్నాయి.
శంకర్‌ సినిమా కోసం చరణ్ మేకోవర్‌.. గౌతమ్‌ తిన్ననూరి సినిమాకు యాప్ట్‌ అవ్వదని చెబుతున్నారు. పూర్తి కమర్షియల్‌ ఎంటర్‌టైనర్‌గా పాన్‌ ఇండియా స్థాయిలో గౌతమ్‌ సినిమా ఉంటుందట. దీంతో శంకర్‌ సినిమా పూర్తయ్యేంతవరకు గౌతమ్‌ సినిమా మొదలుపెట్టే అవకాశం లేదు అని చెబుతున్నారు. దీనిపై మరికొద్ది రోజుల్లో క్లారిటీ వస్తుందని చెబుతున్నారు. సో.. కథను బాస్‌ ఓకే చేశాడు అనేది అప్డేట్.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
