Ram Charan, Rashmika: యూవీ నెక్స్ట్‌ మూవీ కోసం భలే జోడీ రెడీ!

ఒక మంచి విజయం అందులో పని చేసిన హీరో, హీరోయిన్‌, దర్శకుడికి మరిన్ని అవకాశాలు తెచ్చిపెడుతుంది. అయితే ఈ ముగ్గురిలో హీరోయిన్‌ పరిస్థితి డిఫరెంట్‌. ఎలా అంటే… ఆ హీరో మరో సినిమా ఓకే చేసినా… అది పట్టాలెక్కి, రిలీజ్‌ అవ్వడానికి టైమ్‌ ఉంటుంది. దర్శకుడు అయితే కథ పూర్తి చేసుకొని, హీరో – నిర్మాతను ఒప్పించి ముందుకు రావాలి. కానీ హీరోయిన్ల విషయంలో ఇంత సమస్య ఉండదు. ఇన్‌స్టంట్‌గా పాత్రలు దొరికేస్తుంటాయి. అందుకే వరుస సినిమాలు చేస్తుంటారు.

Click Here To Watch

‘పుష్ప’ సినిమాకు ముందు రష్మికను అందరూ నేషనల్‌ క్రష్‌ అనేవారు. ఆ సినిమా అందుకున్న విజయంతో ఇప్పుడు పాన్‌ ఇండియా ఫేమ్‌ సంపాదించుకుంది. ఇప్పుడు ఆ ఫేమ్‌ వాడుకునే పనిలో ఉన్నారు యూవీ క్రియేషన్స్‌ టీమ్‌. రామ్‌ చరణ్‌తో సినిమా చేయాలని యూవీ క్రియేషన్స్‌ ఎప్పటి నుండో అనుకుంటోంది. ఎట్టకేటకు గౌతమ్‌ తిన్ననూరి దర్శకత్వంలో త్వరలో సినిమా రూపొందబోతోంది. ఈ సినిమాలో కథానాయిక విషయంలో ఓ పుకారు బయటికొచ్చింది. ఒకవేళ అదే నిజమైతే… సూపర్‌ ఫీల్‌ ఫ్యాన్స్‌కి.

సుకుమార్‌ ఇటీవల కాలంలో సృష్టించిన పాత్రల్లో చిట్టిబాబు, రామలక్ష్మి, పుష్పరాజ్‌, శ్రీవల్లి అదిరిపోయాయ్‌. ఆ నాలుగు పాత్రల్లో రెండు ఇప్పుడు కలుస్తున్నాయి. చిట్టిబాబు, శ్రీవల్లి ఇప్పుడు కలసి గౌతమ్‌ తిన్ననూరి సినిమాలో నటిస్తారని సమాచారం. సౌత్‌, నార్త్‌లో ఫేమ్‌ ఉన్న నాయిక అయితే… సినిమాకు ఉపయుక్తంగా ఉంటుందని, చిత్రబృందం భావిస్తోందట. దాంతోపాటు ఈ సినిమాలో కథానాయిక పాత్రకు ప్రాధాన్యం కూడా ఎక్కువగానే ఉంటుందట. ఈ మూవీ ఏడాది చివర్లో పట్టాలెక్కే అవకాశం ఉంది.

ప్రస్తుతం రామ్‌ చరణ్‌ చేతిలో రెండు సినిమాలు విడుదలకు సిద్ధంగా ఉన్నాయి. ‘ఆచార్య’, ‘ఆర్‌ఆర్‌ఆర్‌’ త్వరలో ప్రేక్షకుల ముందుకొస్తాయి. దిల్‌ రాజు – శంకర్‌ సినిమా ప్రస్తుతం చిత్రీకరణ జరుపుకుంటోంది. వచ్చే సంక్రాంతికి ఈ సినిమా ప్రేక్షకుల ముందుకు తీసుకొచ్చే ప్రయత్నం చేస్తున్నారు. గౌతమ్‌ తిన్ననూరి సినిమాతో షూటింగ్‌ అవుతుండగా ప్యారలల్‌గా మరో సినిమా కూడా స్టార్ట్‌ చేసే ఆలోచన ఉందట.

అధికారిక ప్రకటన ఇచ్చారు.. కానీ సినిమా ఆగిపోయింది..!

Most Recommended Video

బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!