మెగాస్టార్ చిరంజీవి మేనల్లుడు, సాయిధరమ్ తేజ్ సోదరుడు వైష్ణవ్ తేజ్ గత నెల 12వ తేదీన విడుదలైన ఉప్పెన సినిమాతో టాలీవుడ్ కు పరిచయమై తొలి సినిమాతోనే నటుడిగా మంచి పేరును సంపాదించుకున్న సంగతి తెలిసిందే. ఉప్పెన భారీ బ్లాక్ బస్టర్ హిట్ కావడంతో వైష్ణవ్ తో సినిమాలు తెరకెక్కించడానికి టాలీవుడ్ దర్శకనిర్మాతలు ఆసక్తి చూపుతున్నారు. కొందరు నిర్మాతలు వైష్ణవ్ కు 5 కోట్ల రూపాయల రెమ్యునరేషన్ ఆఫర్ చేస్తున్నట్టు తెలుస్తోంది. అయితే ఈ మెగా హీరోకు సంబంధించిన ఒక వీడియో సోషల్ మీడియాలో తెగ వైరల్ అవుతూ మెగా ఫ్యాన్స్ లో కొత్త అనుమానాలను క్రియేట్ చేస్తోంది.
ఆ వీడియోలో వైష్ణవ్ తేజ్ బట్టతలతో కనిపిస్తూ ఉండటం గమనార్హం. వైష్ణవ్ తేజ్ ఖాళీ వైన్ బాటిల్ ను ముందుకు లాగుతూ మ్యాజిక్ చేసిన వీడియో నెట్టింట తెగ వైరల్ అవుతోంది. వైష్ణవ్ మ్యాజిక్ బాగానే ఉన్నా వైష్ణవ్ జుట్టు ఒరిజినల్ జుట్టా..? కాదా..? అనే అనుమానాలు వ్యక్తమవుతున్నాయి. ఉప్పెన సినిమాలో వైష్ణవ్ ఫుల్ హెయిర్ తోనే కనిపించారు. వీడియో చూసిన కొందరు నెటిజన్లు వైష్ణవ్ విగ్గుతో మేనేజ్ చేశాడని చెబుతుంటే మరి కొందరు మాత్రం హెయిర్ ట్రాన్స్ ప్లాంటేషన్ చేయించుకున్నాడని అభిప్రాయపడుతున్నారు.
కొందరు నెటిజన్లు మాత్రం ఆ వీడియో ఫేక్ వీడియో అని కామెంట్లు చేస్తున్నారు. వైష్ణవ్ స్పందిస్తే మాత్రమే వైరల్ అవుతున్న వీడియోకు సంబంధించి స్పష్టత వచ్చే అవకాశం ఉంది. ఈ వీడియో గురించి వైష్ణవ్ స్పందించి వివరణ ఇస్తే బాగుంటుందని మెగా ఫ్యాన్స్ అభిప్రాయపడుతున్నారు. మరోవైపు క్రిష్ డైరెక్షన్ లో వైష్ణవ్ తేజ్ ఒక సినిమాలో నటిస్తుండగా ఈ సినిమా హక్కులకు భారీగా పోటీ నెలకొందని సమాచారం. ఈ సినిమా తరువాత అక్కినేని నాగార్జున నిర్మాతగా తెరకెక్కుతున్న ఒక సినిమాలో వైష్ణవ్ తేజ్ హీరోగా నటించబోతున్నాడని తెలుస్తోంది.
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
