Vakeel Saab: ‘వకీల్‌సాబ్‌’ వసూళ్లు ఇంకా బాకీ ఉన్నాయంటారా

సినిమాల రీ రిలీజ్‌ అనేది ఈ మధ్య కాలంలో బాగా తక్కువైంది. ఒక సినిమా విడుదలై పూర్తిగా వారమో, రెండు వారాలో అడటమే ఎక్కవ అనుకుంటున్న రోజులవి. అలాంటిది వచ్చిన ఓ రెండు, మూడు వారాలు బాగా ఆడిన సినిమాను మళ్లీ రీ రిలీజ్‌ చేయాలని ఆలోచిస్తున్నారంటే ఆసక్తికరమే కదా. అలాంటి ఆలోచనే చేస్తున్నారు ప్రముఖ నిర్మాత దిల్‌ రాజు. పవన్‌ కల్యాణ్‌ క్రేజ్‌ను ఉపయోగించుకుని తన థియేటర్లకు ప్రేక్షకుల్ని రప్పించే ప్రయత్నం చేస్తున్నారట.

లాక్‌డౌన్‌ ముందు విడుదలై కొన్నాళ్లు ఆడిన చిత్రం ‘వకీల్‌సాబ్‌’. పవన్‌ కల్యాణ్‌ రీఎంట్రీ సినిమా అవ్వడం, అందులోనూ హిట్‌ టాక్‌ తెచ్చుకోవడం కారణంగా… కరోనా తిరిగి ప్రభలుతున్న సమయంలోనూ ఆ సినిమాకు మంచి వసూళ్లు వచ్చాయి. అయితే ఈ నెలాఖరుకు మళ్లీ థియేటర్లు తెరుస్తారని వార్తలొస్తున్నాయి. 50 శాతం ఆక్యుపెన్సీ నిబంధన పెడతారని అంటున్నారు. దీంతో కొత్త సినిమాలు ఇప్పుడే థియేటర్‌ ముఖం చూడకపోవచ్చు. ఈ కారణంగా దిల్‌ రాజు ‘వకీల్‌సాబ్‌’ను మళ్లీ తీసుకురావాలని చూస్తున్నారట.

గతంలో సినిమా చూసినవాళ్లు, ఓటీటీలో ఆ సినిమా చూసినవాళ్లు మళ్లీ థియేటర్లకు వస్తారా అంటే… ఈసారి దిల్‌ రాజు ఉద్దేశం నాన్‌ ఓటీటీ బ్యాచ్‌. మన దేశంలో ఓటీటీలు ఎంత చొచ్చుకొచ్చినా… ఇంకా వాటి రుచి తెలియనివాళ్లు చాలామంది ఉంటారు. వినోదం అంటే వారికి సినిమానే. అలాంటి వాళ్లనే రీ రిలీజ్‌తో ఎంటర్‌టైన్‌ చేయాలని దిల్‌ రాజు అనుకుంటున్నారట.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!