Mahesh Babu: సూపర్ స్టార్ తో సినిమా పక్కా అంటున్నారు!

సూపర్ స్టార్ మహేష్ బాబు నిన్న పుట్టినరోజు వేడుకలు జరుపుకున్న సంగతి తెలిసిందే. ఈ సందర్భంగా ఆయన సినిమాలకు సంబంధించిన అప్డేట్స్ ఇచ్చి ఫ్యాన్స్ ను ఖుషీ చేశారు ఫిలిం మేకర్స్. మహేష్ బాబు ఫ్యాన్స్ కొందరు ట్విట్టర్ స్పేస్ నిర్వహించగా.. అందులో టాలీవుడ్ కి చెందిన అగ్ర దర్శకులంతా పాల్గొన్నారు. ఈ క్రమంలో వారు మహేష్ బాబు గురించి గొప్పగా చెప్పడంతో పాటు ఆయనతో ఎప్పుడు సినిమాలు చేయబోతున్నారో వెల్లడించారు.

చాలా కాలంగా ‘అర్జున్ రెడ్డి’ డైరెక్టర్ సందీప్ రెడ్డి వంగాతో మహేష్ సినిమా చేయబోతున్నట్లు వార్తలు వస్తున్నాయి. కానీ ఇప్పటివరకు ఈ ప్రాజెక్ట్ కార్యరూపం దాల్చలేదు. తాజాగా ఈ సినిమాపై క్లారిటీ ఇచ్చారు సందీప్ రెడ్డి వంగా. మహేష్ బాబుకి కథ చెప్పానని.. సరైన సమయం వచ్చినప్పుడు ప్రాజెక్ట్ మెటీరియలైజ్ అవుతుందని చెప్పారు. అలానే దర్శకుడు వంశీ పైడిపల్లి కూడా మాట్లాడారు. ‘మహర్షి’ సినిమా తరువాత మహేష్ తో మరో సినిమా చేయాలనుకున్నారు వంశీ. కానీ కుదరలేదు.

కచ్చితంగా మహేష్ తో సినిమా ఉంటుందని.. ఎవరూ ఊహించని రేంజ్ లో సినిమాను తెరకెక్కించబోతున్నట్లు వంశీ పైడిపల్లి చెప్పుకొచ్చారు. మొత్తానికి ఈ స్టార్ డైరెక్టర్లు మహేష్ తో సినిమా చేయాలనైతే నిర్ణయించుకున్నారు. ప్రస్తుతం మహేష్ బాబు ‘సర్కారు వారి పాట’ సినిమాలో నటిస్తున్నారు. ఈ సినిమా తరువాత త్రివిక్రమ్ తో ఓ సినిమా అలానే రాజమౌళితో మరో సినిమా ప్లాన్ చేస్తున్నారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!