Varanasi: ‘రాజమౌళి వారణాసి’.. మహేష్ ఫ్యాన్స్ హర్ట్ అవుతున్నారుగా

సూపర్ స్టార్ మహేష్ బాబు హీరోగా ఎస్.ఎస్.రాజమౌళి దర్శకత్వంలో తెరకెక్కుతున్న గ్లోబ్ ట్రోటర్ మూవీ ‘వారణాసి’. ఈ సినిమా టైటిల్ విషయంలో వివాదం నెలకొన్న సంగతి తెలిసిందే. రాజమౌళి కంటే వారం రోజుల ముందు ఓ చిన్న సినిమా యూనిట్.. తమ సినిమాకి ‘వారణాసి’ అనే టైటిల్ పెట్టినట్టు తెలిపి ఫస్ట్ లుక్ పోస్టర్ కూడా వదిలారు. అయితే రాజమౌళి కూడా మహేష్ బాబుకి ‘వారణాసి’ టైటిల్ పెడుతున్నట్టు రివీల్ చేసి అందరికీ షాకిచ్చారు.

Varanasi

దీంతో ఆ చిన్న సినిమా నిర్మాత రాజమౌళిపై కేసు పెట్టడం జరిగింది. ఛాంబర్లో ‘వారణాసి’ టైటిల్ రిజిస్టర్ చేయించుకున్నట్టు తీసుకున్నట్టు లెటర్ కాపీని కూడా అతను కంప్లైంట్ తో పాటు జత చేసి ఇవ్వగా.. రాజమౌళి అండ్ టీం సీన్లోకి ఎంట్రీ ఇచ్చారు.’నా సినిమా టైటిల్.. అనుమతి లేకుండా మీ సినిమాకి ఎలా పెట్టుకుంటారు’ అంటూ అతను ఆవేదన వ్యక్తం చేశారు.

రాజమౌళి అండ్ టీం అతన్ని ఎంత కన్విన్స్ చేసినా తగ్గలేదని తెలుస్తుంది. దీంతో చేసేదేమీ లేక తన సినిమాని ‘రాజమౌళి వారణాసి’ అనే టైటిల్ తో రిలీజ్ చేయాలని రాజమౌళి డిసైడ్ అయ్యారు. తెలుగులో ‘రాజమౌళి వారణాసి’ గానే ఈ సినిమా రిలీజ్ కానుంది. కాకపోతే ఈ టైటిల్ తో మహేష్ బాబు అభిమానులు కూడా సంతృప్తిగా లేనట్టు తెలుస్తుంది. ఎందుకంటే ముందు నుండి ఈ ప్రాజెక్టుని ‘SSMB29’ గానే భావిస్తూ వచ్చారు మహేష్ బాబు అభిమానులు.

కానీ ఇప్పుడు రాజమౌళి వారణాసి అంటే.. అది పూర్తిగా రాజమౌళి సినిమాగా మారుతుంది. వాళ్లకి కష్టంగా ఉండొచ్చు.. కానీ అదే నిజం. ఆ రియాలిటీలోకి మహేష్ బాబు వచ్చేశాడు. అభిమానులు కూడా రావాలి అంతే..!

3వ రోజు జస్ట్ యావరేజ్ కలెక్షన్స్ తో సరిపెట్టిన ‘ఆంధ్ర కింగ్ తాలూకా’