ఈ మధ్య కాలంలో పాత సినిమాలను 4K వెర్షన్ కు అప్డేట్ చేసి రీ రిలీజ్ చేస్తున్న తరుణంలో ‘వర్షం’ చిత్రాన్ని కూడా 4K కి అప్డేట్ చేసి రీ రిలీజ్ చేశారు ప్రముఖ నిర్మాత నట్టి కుమార్. నవంబర్ 11 న రిలీజ్ అయిన ఈ మూవీ సమంత నటించిన ‘యశోద’ కి పోటీగా రిలీజ్ అయ్యిందని చెప్పొచ్చు. అయితే ‘వర్షం’ సినిమా రీ రిలీజ్ అవుతున్నట్టు ప్రమోషన్ ఏమీ చేయలేదు.
సోషల్ మీడియాలో కూడా పెద్దగా సందడి లేదు. అయితే రీ రిలీజ్ లో కూడా పర్వాలేదు అనిపించింది ‘వర్షం’. మొదటి వీకెండ్ పలు చోట్ల ఈవెనింగ్ అండ్ నైట్ షోలు హౌస్ ఫుల్ బోర్డులతో కళకళలాడాయి. ఓవరాల్ గా ఈ మూవీ… రూ.0.62 కోట్ల వరకు గ్రాస్ వసూళ్లను అందుకుని పర్వాలేదు అనిపించింది. షేర్ రూ.0.39 కోట్లు ఉండొచ్చు అని అంచనా..! ఇదే మూవీని ప్రభాస్ పుట్టినరోజు కానుకగా అక్టోబర్ 23న కనుక విడుదల చేసి ఉండి ఉంటే కచ్చితంగా రికార్డ్ కలెక్షన్లను సాధించి ఉండేది.
ఇక ప్రభాస్, త్రిష జంటగా నటించిన ‘వర్షం’ మూవీ 2004 సంక్రాంతి కానుకగా రిలీజ్ అయ్యి సూపర్ హిట్ టాక్ ను సొంతం చేసుకుంది. గోపీచంద్ విలన్ గా నటించిన ఈ మూవీకి దేవి శ్రీ ప్రసాద్ అందించిన సంగీతం హైలెట్ గా నిలిచింది అని చెప్పొచ్చు. చిరంజీవి నటించిన ‘అంజి’, బాలకృష్ణ నటించిన ‘లక్ష్మీ నరసింహ’ వంటి చిత్రాల నడుమ భారీ పోటీలో రిలీజ్ అయిన మూవీ వాటిని పక్కకు నెట్టి బాక్సాఫీస్ వద్ద బ్లాక్ బస్టర్ గా నిలిచింది.
ప్రభాస్ కెరీర్లో మొదటి బ్లాక్ బస్టర్ మూవీ ఇది. ఇప్పటి యంగ్ హీరో సంతోష్ శోభన్ తండ్రి శోభన్ గారు ఈ చిత్రానికి దర్శకుడు కాగా స్టార్ ప్రొడ్యూసర్ యం.యస్.రాజు ఈ చిత్రానికి నిర్మాత కావడం విశేషం. ఈ చిత్రం ఆరోజుల్లో 125 కేంద్రాల్లో 50 రోజులు, 79 కేంద్రాల్లో 100 రోజులు ఆడింది.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
Home