Varun Sandesh: గాయాల పాలైన వరుణ్ సందేశ్.. ఏమైందంటే?

టాలీవుడ్ హీరో వరుణ్ సందేశ్ యాక్సిడెంట్ కి గురయ్యారు. అతను హీరోగా ‘జాగృతి మూవీ మేకర్’ బ్యానర్ పై నిర్మాణం అవుతున్న చిత్రం ‘కానిస్టేబుల్’ షూటింగ్లో భాగంగా ఫైటింగ్ సీన్ చిత్రీకరిస్తుండగా వరుణ్ సందేశ్ కాలికి బలమైన గాయం అయినట్టు సమాచారం. ఈ క్రమంలో డాక్టర్లు వరుణ్ ని 3 వారాల పాటు విశ్రాంతి తీసుకోవాల్సిందిగా సూచించినట్టు తెలుస్తుంది. దీంతో ‘కానిస్టేబుల్’ షూటింగ్ తాత్కాలికంగా ఆగిపోయినట్టు తెలుస్తుంది. ఈ విషయాన్ని దర్శకుడు ఆర్యన్ శుభాన్ వెల్లడించారట.

‘కానిస్టేబుల్’ షూటింగ్ ఆల్రెడీ 40 శాతం పూర్తయ్యిందట. విలేజ్ బ్యాగ్ డ్రాప్ లో ఈ మూవీ తెరకెక్కుతుంది. రెండో షెడ్యూల్ వరుణ్ సందేశ్ కోలుకున్న తర్వాత మొదలవుతుందని నిర్మాత బలగం జగదీష్ తెలిపారు. (Varun Sandesh) వరుణ్ సందేశ్ … శేఖర్ కమ్ముల దర్శకత్వంలో రూపొందిన ‘హ్యాపీ డేస్’ తో హీరోగా ఎంట్రీ ఇచ్చాడు. ఆ తర్వాత ‘కొత్త బంగారు లోకం’ ‘ఏమైంది ఈవేళ’ వంటి హిట్ సినిమాల్లో నటించాడు. ఇంకా పలు యావరేజ్ సినిమాల్లో నటించాడు కానీ.. హీరోగా నిలబడలేకపోయాడు.

క్యారెక్టర్ ఆర్టిస్ట్ గా కూడా మారి ఒకటి రెండు సినిమాల్లో చేశాడు కానీ అలా కూడా సక్సెస్ కాలేకపోయాడు. అయితే ‘బిగ్ బాస్ 3 ‘ లో ఓ కంటెస్టెంట్ గా ఎంట్రీ ఇచ్చి తన గేమ్ తో ఆకట్టుకున్నాడు. వరుణ్ నిజాయితీగా గేమ్ ఆడే తీరు, తన భార్య వితిక పై చూపించే కేరింగ్ అందరికీ బాగా నచ్చింది. ప్రస్తుతం అడపా దడపా సినిమాల్లో నటిస్తున్నాడు కానీ.. అవి వచ్చి వెళ్తున్నట్టు కూడా జనాలకి తెలీదు.

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్