ప్రభాస్, నితిన్ ల పెళ్లిళ్లు అయ్యాకే నేను చేసుకుంటా – వరుణ్ తేజ్

మెగా హీరోలలో వరుణ్ తేజ్ స్టైల్ వేరు. సున్నితమైన కథలను తీసుకొని చక్కగా నటించి మంచి పేరు తెచ్చుకున్నారు. రీసెంట్ గానే ప్రేమ కథల బాట పట్టారు. శేఖర్ కమ్ముల దర్శకత్వంలో మెగా ప్రిన్స్ చేసిన “ఫిదా” తో బ్లాక్ బస్టర్ హిట్ అందుకున్నారు. ఆ సినిమా తర్వాత వెంకీ అట్లూరి దర్శకత్వంలో “తొలిప్రేమ” సినిమా చేశారు. ఫిబ్రవరి 10న రిలీజ్ అయిన ఈ సినిమా నాలుగు రోజుల్లోనే పాతికకోట్ల గ్రాస్ వసూలు చేసి పరిశ్రమ వర్గాలవారిని ఆశ్చర్యపరిచింది. “తొలిప్రేమ” సూపర్ హిట్ అయిన సందర్భంగా మీడియా ముందుకు వచ్చారు. ఇందులో అనేక సంగతులు షేర్ చేసుకున్నారు. మీరు పెళ్లి ఎప్పుడు చేసుకుంటారని.. ఓ విలేఖరి అడిగిన ప్రశ్నకు వరుణ్ ఆసక్తికర సమాధానం చెప్పారు. “ముందు ప్రభాస్‌, నితిన్‌ల వివాహం జరగాలి.

ఆ తర్వాతే తాను చేసుకుంటాను” అని సమాధానం చెప్పారు. తెలుగు చిత్ర పరిశ్రమలోని హీరోల్లో ప్రభాస్ సీనియర్ బ్యాచిలర్. 35 ఏళ్ళు వచ్చినా ప్రభాస్ పెళ్లిని వాయిదా వేసుకుంటూ వస్తున్నారు. అతని తర్వాత నితిన్, రానా.. తదితరులున్నారు. అందుకే వరుణ్ వారి పేర్లు చెప్పి తెలివిగా తప్పించుకున్నారు. ఫిదా, తొలిప్రేమ హిట్ కావడంతో హ్యాట్రిక్ హిట్ కోసం “ఘాజి” దర్శకుడు సంకల్ప్‌ రెడ్డి తో కలిశారు. అతని దర్శకత్వంలో నటించడానికి సిద్ధమవుతున్నారు. అంతరిక్షం నేపథ్యంలో తెరకెక్కబోయే చిత్రంలో వరుణ్‌ వ్యోమగామి పాత్రలో కనిపించనున్నట్లు తెలిసింది.