Varun Tej: క్రైమ్‌ కామెడీ దర్శకుడితో వరుణ్‌తేజ్‌ నెక్స్ట్‌.. పేరు ఇదేనా?

ఫలితంతో సంబంధం లేకుండా ప్రయోగాలకు, కొత్త తరహా చిత్రాలకు ఓకే చెప్పడంలో వరుణ్‌ తేజ్‌ (Varun Tej) కూడా ముందుంటాడు. గత సినిమా ఫలితాలను చూస్తున్నా ఆయన సినిమాల ఎంపికలో వైవిధ్యం ఆగడం లేదు. తాజాగా ఆయన లైనప్‌లోకి కొత్త సినిమాను తీసుకొచ్చారు. కామెడీ + వెరైటీ చిత్రాల స్పెషలిస్ట్‌గా తొలి సినిమా నుండే పేరు తెచ్చుకున్న మేర్లపాక గాంధీ (Merlapaka Gandhi) దర్శకత్వంలో వరుణ్‌ ఓ సినిమాలో నటించనున్నాడు. ఈ నేపథ్యంలో ఆ సినిమా పేరు ఇదే అంటూ.. ఓ టైటిల్‌ బయటకు వచ్చింది.

Varun Tej

మేర్లపాక గాంధీ దర్శకత్వంలో చేయబోతున్న సినిమాకు ‘కనకరాజు’ అనే పేరును పరిశీలిస్తున్నారట. పేరు వింటుంటే సినిమా మాస్‌ మ్యాజిక్‌ అని అర్థమవుతోంది. మరి ఈ పేరే ఎందుకు అంటే సినిమాలో వరుణ్‌ పేరు ఇదే అవుతుంది అని ప్రత్యేకంగా చెప్పక్కర్లేదు. అన్నీ అనుకున్నట్లుగా జరిగితే దాదాపు ఇదే టైటిల్ ఫైనల్ కావచ్చు. పైన చెప్పినట్లు మేర్లపాక సినిమాలు క్రైమ్ కామెడీ టచ్‌తో ఎక్కువగా ఉంటాయి. అయితే ఈ సినిమా కథను కొత్త జోనర్‌లో రాసుకొచ్చారట.

ప్రస్తుతం ప్రీప్రొడక్షన్ పనులు జరుగుతున్నాయని, వరుణ్ తేజ్ కూడా ఈ సినిమా కోసం ప్రత్యేక శ్రద్ధ తీసుకుంటున్నాడని అంటున్నారు. తన కెరీర్‌లో వరుసగా డిఫరెంట్‌ సినిమాలు చేస్తూ వస్తున్న వరుణ్‌కు.. ఈ సినిమా ఇంకా డిఫరెంట్‌గా ఉండబోతోంది అంటున్నారు. ఇక వరుణ్‌తేజ్‌ ప్రస్తుతం ‘మట్కా’ (Matka) అనే సినిమా చేస్తున్నాడు. ‘పలాస’ ఫేమ్‌ కరుణ కుమార్‌ (Karuna Kumar) దర్శకత్వంలో ఈ సినిమా తెరకెక్కుతోది. ఉత్తరాంధ్రలో ఒకానొక సమయంలో బాగా ప్రాచుర్యం పొంది.

ఎన్నో కుటుంబాలను చిన్నాభిన్నం చేసిన మట్కా జూదం గురించి ఈ సినిమా తెరకెక్కుతోంది. ఇందులో రెండు తరాలకు చెందిన వ్యక్తిగా వరుణ్‌ కనిపిస్తాడు. ఇక ‘గని’ (Ghani) , ‘గాంఢీవధారి అర్జున’ (Gandeevadhari Arjuna), ‘ఆపరేషన్ వాలెంటైన్’ (Operation Valentine) లాంటి ప్రయోగాలు చేసిన వరుణ్‌ ఇబ్బందికర ఫలితమే అందుకున్నాడు. మరి ఈ ప్రయోగం ఏమవుతుందో చూడాలి. అలాగే మేర్లపాక గాంధీ కూడా ‘కృష్ణార్జున యుద్ధం’ (Krishnarjuna Yudham) , ‘మ్యాస్ట్రో’ (Maestro) , ‘లైక్‌ షేర్‌ సబ్‌స్క్రయిబ్‌’ (Like Share Subscribe) లాంటి సినిమాలు చేసిన ఆశించిన ఫలితం అయితే రాలేదు.

దర్శకుడిగా మారుతున్న నిర్మాత.. అయితే నిర్మాత వేరొకరు… ఎవరంటే?