గతేడాది చివరిలో వచ్చిన ‘లోఫర్’ తర్వాత వరుణ్ తేజ్ నటించిన మరో సినిమా తెరమీదకు రానేలేదు. ఆ గ్యాప్ ని పూడ్చేందుకు శ్రీనువైట్లతో ‘మిస్టర్’, శేఖర్ కమ్ములతో ‘ఫిదా’ సినిమాలని ఏక కాలంలో పట్టాలెక్కించాడు ఈ మెగా హీరో. వాటిలో మిస్టర్ సినిమాని ఈ ఏడాది చివరిలో విడుదల చేయాలనుకున్నారు. కానీ ప్రస్తుత పరిస్థులు దానికి భిన్నంగా ఉన్నాయి.
దసరా బరి నుండి తప్పుకున్న రామ్ చరణ్ ధృవ డిసెంబర్ కి ఫిక్సయిన సంగతి తెలిసిందే. అన్న సినిమాతో పాటు సూర్య ‘సింగం’ విడుదలయ్యేదీ డిసెంబర్ లోనే. వీటితోపాటు ఇటీవల కోచింగ్ ఇవ్వటం మొదలెట్టిన బాక్సింగ్ ‘గురు’ తెరమీదికొచ్చేదీ అప్పుడే. ఇంకొన్ని స్లీపర్ సెల్స్ వస్తాయి. సో ఎటు చూసిన డిసెంబర్ లో డేట్స్ ఖాళీగా లేవు. ఆ లెక్కన ఈ ఏడాది వరుణ్ సినిమా లేనట్టే మరి. ఇక సంక్రాంతి గురించి మాట్లాడుకోకపోవడమే నయం. చిరు ‘ఖైదీ 150’, బాలయ్య ‘శాతకర్ణి’ సహా ఈ లిస్ట్ చాంతాడంత ఉంది. అందుకే మిస్టర్ ముహుర్తాన్ని ఫిబ్రవరికి ఫిక్స్ చేశారట. శేఖర్ కమ్ముల తో చేస్తున్న ‘ఫిదా’ కూడా ఆ సమయంలోనే విడుదలయ్యే అవకాశముంది. రెండూ ఒకే రోజు విడుదల చేసిన డబుల్ ధమాకా కొట్టినా కొట్టొచ్చు.
Home