ప్రభాస్ కోసం వెయిట్ చేయలేక వరుణ్ తేజ్ దగ్గరికి వచ్చేసాడట..!

‘సైరా నరసింహారెడ్డి’ చిత్రంతో చారిత్రాత్మక నేపథ్యం కూడుకున్న భారీ చిత్రాలను కూడా తెరకెక్కించగలనని ప్రూవ్ చేసుకున్నాడు దర్శకుడు సురేంద్ర రెడ్డి. ఈ సినిమా రిజల్ట్ సంగతి పక్కన పెట్టేస్తే.. మరికొందరి మంది స్టార్ హీరోలతో సినిమాలు చేసే అవకాశాలు మాత్రం ఈయనకి వస్తున్నాయి. ఇక ఇప్పటి నుండో ఈయన ప్రభాస్ తో సినిమా తెరకెక్కించాలని తెగ ట్రై చేస్తున్నాడు. ‘సైరా’ పూర్తయిన వెంటనే ప్రభాస్ తో సినిమా చేయాలని భావించాడు. అయితే ‘సైరా’ పూర్తయ్యేసరికి.. ‘జాన్’ చిత్రంతో ప్రభాస్ బిజీ అయిపోయాడు.

ఇది కూడా తెలుగుతో పాటు హిందీలో కూడా తెరకెక్కుతోంది కాబట్టి మరికొంత సమయం పట్టే అవకాశం ఉంది. దీంతో సురేందర్ రెడ్డి .. ప్రభాస్ కోసం రెడీ చేసుకున్న కథను మెగా ప్రిన్స్ తో తెరకెక్కించాలని భావిస్తున్నాడట. ఈ మధ్యే వరుణ్ కలిసి కథ కూడా వినిపించాడట. కథ నచ్చడంతో వరుణ్ కూడా గ్రీన్ సిగ్నల్ ఇచ్చేశాడట. ప్రస్తుతం కిరణ్ కొర్రపాటి డైరెక్షన్లో వరుణ్ ఓ సినిమా చేయాల్సి ఉంది. అయితే సురేందర్ రెడ్డితోనే మొదట సినిమా చేసి ఆ తరువాత కిరణ్ కొర్రపాటితో సినిమా చేస్తే బెటర్ అనే నిర్ణయానికి వరుణ్ వచ్చేసాడట. మరి చివరికి ఏం జరుగుతుందో చూడాలి..!

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!